നിശ്ചയം നമ്മളെത്തും ദിക്കുകളൊക്കെയും നമ്മൾ തൻ പൂർവികർ ചൂണ്ടിയ വിരലുകൾ:റഫീഖ് അഹമ്മദിന് ഡോ. ഷിജുഖാൻ്റെ കവിത
കെ-റെയിലിനെ വിമർശിച്ച് കവിതയെഴുതിയ റഫീക്ക് അഹമ്മദിന് സ്നേഹപൂർവ്വം മറ്റൊരു കവിത സമ്മാനിക്കുകയാണ് പൊതുപ്രവർത്തകൻ ഷിജു ഖാൻ.നിശ്ചയം നമ്മളെത്തും ദിക്കുകളൊക്കെയും നമ്മൾ തൻ പൂർവികർ ചൂണ്ടിയ വിരലുകൾ എന്നാണ് റഫീഖ് അഹമ്മദിന് ഷിജുഖാൻറെ മറുപടി.നല്ലത് പറയുക;
കളവുകൾചൊല്ലിപ്പിരിയാതിരിക്കുക.സത്യബോധനം,നിത്യപാരായണപ്പതിവാക്കുക.നഗരത്തിരക്കുകൾ
ശകുനപ്പിഴകൾ ;ശമനത്തിനായി നാം പുതുവഴികൾ വെട്ടുക എന്നും ഷിജുഖാൻ കുറിക്കുന്നു .
സ്നേഹപൂർവം
റഫീക്ക് അഹമ്മദിന്
________________________
ചോദ്യങ്ങളസ്സലായ്
ചോദിയ്ക്ക നിത്യം .
അർദ്ധവിരാമങ്ങൾകൊണ്ടുള്ളു പൊള്ളിക്കുക.
അത്രമേൽ വേഗത്തിലത്രതിടുക്കത്തിലങ്ങോട്ടു പായുക ,
ജീവിതമെത്ര ഹ്രസ്വം
ദീപ്തം.തണ്ണീർത്തടങ്ങളെ,
തെങ്ങിൻ നിരകളെ ,
കണ്ടൽക്കാടിനെ,
ഭഗവതിക്കാവിനെ,
തലമുറപ്പെരുമയുടെ നാട്ടുകുളത്തിനെ , സംസ്കൃതി പൂക്കുന്ന സഹ്യസാനുക്കളെ
ആരു തീണ്ടുന്നു ?
നേരൊളിപ്പിച്ച്പോവുന്ന –
താത്മനിന്ദ ,മറ്റെന്തു പേരിടും?വെള്ളിവരവണ്ടികൾ
പായുന്ന വേഗത്തിലാകാശവിസ്മയപ്പാതകൾ, കണ്ണടച്ചുതുറക്കുന്നനേരത്തിനപ്പുറം
കാത്തിരിപ്പിന്റെ നഷ്ടങ്ങളില്ല ഹേ!അഴലുകൾ ,
വാഹനക്കുഴലുകൾ,
ആയിരം വളവുകൾ ,
അപകടനിരത്തുകളി –
ലരുമക്കിടാങ്ങൾ ,
അലതല്ലിയൊഴുകുന്ന
ചോരപ്പുലരികൾ,
വേരറ്റുപിടയുന്ന
ജീവിതമോഹങ്ങൾ,
ചരമക്കുറിപ്പുകൾ
ഒന്നുമറിയാതങ്ങ്
ഗാനപ്രപഞ്ചത്തിലാലോമാടുക !പമ്പയെ,
പ്പേരാറ്റിനെ
ഭാരതപ്പുഴകൾതൻ
ഭാവശീലങ്ങളെ,
ഇഷ്ടമുടി,
അഷ്ടമുടികായൽപ്പരപ്പിനെ
ആരു നോവിക്കുന്നു
ആരു മോഹിക്കുന്നു ?ഏഴകൾക്കന്നം
രോഗികൾക്കഭയം
സ്നേഹസുഗന്ധമിറ്റിച്ച
സംസ്കാരലേപനം.
തീവ്രദരിദ്രർക്ക് കൈത്താങ്ങ്
ലക്ഷം സ്നേഹഭവനങ്ങൾ
കിടപ്പാട മുദ്രകൾ
നിസ്വപക്ഷത്തിന്റെ രാഷ്ട്രീയമന്ത്രണം.നിശ്ചയം നമ്മളെത്തും ദിക്കുകളൊക്കെയും നമ്മൾ തൻ പൂർവികർ ചൂണ്ടിയ വിരലുകൾ.
മക്കൾ, ചെറുമക്ക,ളിനിയും പിറക്കാത്ത പൊൻകിടാങ്ങൾക്കസ്ത്രവേഗത്തിൽ കുതിയ്ക്കണം നീളേ .
നല്ലത് പറയുക;
കളവുകൾ ചൊല്ലിപ്പിരിയാതിരിക്കുക.
സത്യബോധനം
നിത്യപാരായണപ്പതിവാക്കുക.നഗരത്തിരക്കുകൾ
ശകുനപ്പിഴകൾ ;
ശമനത്തിനായി നാം
പുതുവഴികൾ വെട്ടുക.അനന്തപുരസ്പന്ദനം
തുളുദേശ ജീവിതം
അരികിലവയൊക്കെയും
ഹൃദ്യം പുളകിതം.
വേഗം കുതിക്കുമീ
വണ്ടിയിൽ
കയറുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here