വാവ സുരേഷിൻ്റെ ആരോഗ്യനില അതീവ ഗുരുതരം

മൂർഖൻ പാമ്പിൻ്റെ കടിയേറ്റ വാവ സുരേഷിൻ്റെ ആരോഗ്യനില അതീവ ഗുരുതരം. സുരേഷ് ഇപ്പോ‍ഴും അബോധാവസ്ഥയിലാണെന്ന് ആശുപത്രി അധികൃതര്‍ അറിയിച്ചു. ഇന്നലെയുണ്ടായ പ്രതികരണം ഇന്ന് ലഭിക്കുന്നില്ല. തലച്ചോറിന്‍റെ പ്രവര്‍ത്തനത്തില്‍ പുരോഗതിയില്ല.

ക‍ഴിഞ്ഞ ദിവസം കോട്ടയത്തെ കുറിച്ചിയിൽ വെച്ച് മൂർഖൻ പാമ്പിനെ പിടികൂടുന്നതിനിടെയാണ് വാവ സുരേഷിനു കടിയേൽക്കുന്നത്. കുറിച്ചി പഞ്ചായത്ത് ഒന്നാം വാർഡ് അഞ്ചലശേരിയിൽ മുൻ പഞ്ചായത്ത് ഡ്രൈവർ ബിജുവിൻ്റെ വീടിനു പുറത്താണ് സംഭവം. കന്നുകാലിക്കൂടിനുള്ളിൽ കൂട്ടിയിട്ടിരുന്ന കല്ലിനുള്ളിൽ നിന്ന് മൂർഖൻ പാമ്പിനെ പിടികൂടി ചാക്കിലാക്കുന്നതിനിടെയിൽ വാവാ സുരേഷിൻ്റെ തുടയിലാണ് കടിയേറ്റത്.

പാമ്പിനെ ചാക്കിലാക്കിയ ശേഷം, തന്നെ ആശുപത്രിയിൽ എത്തിക്കണമെന്ന് സുരേഷ് നാട്ടുകാരോട് ആവശ്യപ്പെടുകയായിരുന്നു. ആശുപത്രിയിലേക്കുള്ള യാത്രാമധ്യേ ബോധരഹിതനായി. കോട്ടയം ഭാരത് ആശുപത്രിയിൽ പ്രവേശിപ്പിച്ച ശേഷം സുരേഷിനെ കോട്ടയം മെഡിക്കൽ കോളേജിലേക്ക് മാറ്റുകയായിരുന്നു.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel