വ്യത്യസ്തമായ റാപ്പ് ഗാനങ്ങളിലൂടെ ആരാധകർക്ക് സുപരിചിതനായ ബ്രോധ വി യുടെ (വിഗ് നേഷ് ശിവാനന്ദൻ ) ഏറ്റവും പുതിയ മ്യൂസിക്കൽ വീഡിയോയാണ് ആൾ ഡിവൈൻ. വിവിധ ഭാഷകൾ കോർത്തിണക്കി ഒരുക്കിയിരിക്കുന്ന ഗാനം ബ്രോധ വി യുടെ തനത് റാപ്പോ ശൈലിയും ക്ലാസിക് സംഗീതവും ഒത്തു ചേരുന്ന മനോഹരമായ ഒരു ഫ്യൂഷൻ ആണ്.
മലയാളത്തിൽ ഒരുക്കിയിരിക്കുന്ന കോറസാണ് ഗാനത്തിന്റെ മറ്റൊരു പ്രത്യേകത. യൂട്യൂബിൽ റിലീസ് ചെയ്തിരിക്കുന്ന ഗാനത്തിന് മികച്ച അഭിപ്രായമാണ് പ്രേക്ഷകരുടെ ഭാഗത്ത് നിന്ന് ലഭിക്കുന്നത്.
രണ്ടാം ലോക് ഡൗൺ കാലത്തായിരുന്നു ഗാനത്തിന്റെ രചനയും സംഗീതവും ഒരുക്കിയത്. ഒരാൾക്ക് സ്വന്തം നിരാശകളെ ഏറ്റവും മനോഹരമായി എങ്ങനെ മറികടക്കാമെന്നാണ് ഈ ഗാനത്തിലൂടെ ബ്രോധ വി പറഞ്ഞു വയ്ക്കുന്നത്.
നമ്മുക്ക് എല്ലാവർക്കും തോന്നുന്ന എന്നാൽ പ്രകടിപ്പിക്കാൻ കഴിയാത്ത ദൈനംദിന കാര്യങ്ങളിൽ വേരൂന്നിയ സംഗീതം സൃഷ്ടിക്കാനുള്ള കൂട്ടായ ശ്രമമാണിതെന്ന് ബ്രോധാ വി പറഞ്ഞു. ആരാധകർ ഇതുവരെ കാണാത്ത ഒരു ബ്രോധാ വി യെ ആകും ആൾ ഡിവൈൻ പരിചയപ്പെടുത്തുക എന്നും അദ്ദേഹം കൂട്ടിച്ചേർത്തു.
https://youtu.be/dSwzsR3N734
പ്രശസ്തമായ മ്യൂസിക് കമ്പനി ബിലീവിന്റെ പങ്കാളിയാകാനുള്ള തീരുമാനവും ബ്രോധാ വി ഇതോടൊപ്പം പ്രഖ്യാപിച്ചു. സംഗീതത്തിൽ തൻ്റേതായ ഇടം കണ്ടെത്തിയിട്ടുള്ള ബ്രോധാ വി ഉൾപ്പെടെയുള്ള എല്ലാ കലാകാരൻമാർക്കും സാങ്കേതിക സഹായം നൽകി അന്താരാഷ്ട്ര തലത്തിൽ ശ്രദ്ധ നേടി കൊടുക്കാൻ സഹായിക്കുന്നു എന്നതിൽ സന്തോഷമുണ്ടെന്ന് ബിലീവ് ഇന്ത്യ ആർട്ടിസ്റ്റ് സർവീസസ് ഡയറക്ടർ ശിൽപ ശാരദയും പറഞ്ഞു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
