അരുണാചല്‍പ്രദേശില്‍ മഞ്ഞിടിച്ചലില്‍ 7 സൈനികര്‍ മരിച്ചു. ഞായറാഴ്ചയാണ് അരുണാചല്‍പ്രദേശിലെ കാമെങ് സെക്ടറില്‍ 7 സൈനികര്‍ കയറിയ വാഹനം മഞ്ഞിടിച്ചലിനെ തുടര്‍ന്ന് കുടുങ്ങിയത്. രക്ഷാപ്രവര്‍ത്തനം ഞായറാഴ്ച തന്നെ തുടങ്ങിയിരുന്നെങ്കിലും സൈനികരെ രക്ഷപ്പെടുത്താന്‍ സാധിച്ചില്ല.
ഞായറാഴ്ച കരസേനയുടെ പട്രോള്‍ സംഘം റോന്തു ചുറ്റുമ്പോഴാണ് മഞ്ഞിടിഞ്ഞത്. 14,500 അടി ഉയരത്തിലുള്ള ഈ പ്രദേശത്ത് ഏതാനും ദിവസമായി കനത്ത മഞ്ഞുവീഴ്ചയുണ്ടായിരുന്നു. പ്രതികൂല കാലാവസ്ഥ രക്ഷാപ്രവര്‍ത്തനത്തെ ബാധിച്ചുവെന്നും സൈനികരുടെ ഭൗതിക ശരീരം അരുണചല്‍ പ്രദേശിലെ ആര്‍മി മെഡിക്കല്‍ ക്യാമ്പിലേക്ക് മാറ്റിയതായും ഇന്ത്യന്‍ ആര്‍മി വൃത്തങ്ങള്‍ വ്യക്തമാക്കി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
