മലമ്പുഴയിലെ ചെറാട് മലയില് കുടുങ്ങിയ യുവാവിനെ രക്ഷപ്പെടുത്താന് കരസേനയുടെയും വ്യോമസേനയുടെയും സഹായം തേടിയതായി മുഖ്യമന്ത്രി പിണറായി വിജയന്. ബാംഗ്ലൂരില് നിന്ന് പാരാ റെജിമെന്റല് സെന്ററില് നിന്നുള്ള കമാണ്ടോകള് ഉടന് പുറപ്പെടും. അവരെ വ്യോമസേനയുടെ AN 32 വിമാനത്തില് സുലൂരില് എത്തിക്കും. അവിടെ നിന്ന് റോഡ് മാര്ഗം മലമ്പുഴയിലെത്തിക്കുമെന്നും മുഖ്യമന്ത്രി തന്റെ ഫേസ്ബുക്ക് പോസ്റ്റിലൂടെ അറിയിച്ചു.
ഫേസ്ബുക്ക് പോസ്റ്റിന്റെ പൂര്ണ്ണരൂപം
മലമ്പുഴയിലെ ചെറാട് മലയില് കുടുങ്ങിയ യുവാവിനെ രക്ഷപ്പെടുത്താന് കരസേനയുടെയും വ്യോമസേനയുടെയും സഹായം തേടി.
ബാംഗ്ലൂരില് നിന്ന് പാരാ റെജിമെന്റല് സെന്ററില് നിന്നുള്ള കമാണ്ടോകള് ഉടന് പുറപ്പെടും. അവരെ വ്യോമസേനയുടെ AN 32 വിമാനത്തില് സുലൂരില് എത്തിക്കും. അവിടെ നിന്ന് റോഡ് മാര്ഗം മലമ്പുഴയിലെത്തും.
കരസേനയുടെ മദ്രാസ് റെജിമെന്റില് നിന്നുള്ള 7 പേരടങ്ങുന്ന മറ്റൊരു യൂണിറ്റ് ഊട്ടി വെല്ലിംഗ്ടണില് നിന്ന് വൈകിട്ട് 7. 30ന് മലമ്പുഴയിലേക്ക് പുറപ്പെടും.
ഇന്ന് രാത്രിയോടെ യുവാവിനെ രക്ഷപ്പെടുത്താന് സാധിച്ചില്ലെങ്കില് നാളെ പകല് വ്യോമസേനയും രക്ഷാപ്രവര്ത്തനത്തില് പങ്കാളികളാകും.
എവറസ്റ്റ് കൊടുമുടി കീഴടക്കിയവര് ഉള്പ്പെടെയുള്ള സംഘമാണ് സംഭവസ്ഥലത്തേക്ക് തിരിക്കുന്നത്. കരസേനയുടെ ദക്ഷിണ് ഭാരത് GOC ലെഫ്റ്റനന്റ് ജനറല് എ. അരുണിന്റെ നേതൃത്വത്തിലാണ് രക്ഷാപ്രവര്ത്തനം ഏകോപിപ്പിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here