മമ്മൂട്ടിയെ കേന്ദ്ര കഥാപാത്രമാക്കി ബിഗ്ബിക്ക് ശേഷം അമൽ നീരദ് സംവിധാനം ചെയ്യുന്ന ചിത്രമാണ് ഭീഷ്മപർവ്വം. മലയാള സിനിമയില് വരാനിരിക്കുന്ന ചിത്രങ്ങളില് പ്രേക്ഷകര് ഏറെ ആവേശത്തോടെയാണ് അമല് നീരദ് – മമ്മൂട്ടി കൂട്ടുകെട്ടില് എത്തുന്ന ഭീഷ്മ പര്വ്വത്തെ കാത്തിരിക്കുന്നത്.
പിരീഡ് ക്രൈം ഡ്രാമ വിഭാഗത്തില് പെടുന്ന ചിത്രത്തിന്റെ ടീസര് ഇന്നലെ വൈകിട്ടാണ് എത്തിയത്. ഈ ചിത്രത്തിന് സിനിമാപ്രേമികള്ക്കിടയിലെ കാത്തിരിപ്പ് എത്രയെന്ന് മനസിലാക്കാന് ടീസറിനു ലഭിക്കുന്ന റിയാക്ഷനുകള് ശ്രദ്ധിച്ചാല് മാത്രം മതി.
യുട്യൂബില് ഇന്നലെ വൈകിട്ട് ആറ് മണിക്ക് റിലീസ് ചെയ്യപ്പെട്ട ടീസര് 15 മണിക്കൂര് കൊണ്ട് നേടിയത് 23 ലക്ഷത്തോളം കാഴ്ചകളാണ്. 2.61 ലക്ഷം ലൈക്കുകളും ഒരു ലക്ഷത്തിലേറെ കമന്റുകളും വീഡിയോയ്ക്കു താഴെയുണ്ട്. ഒപ്പം സമീപകാലത്ത് ഏറ്റവുമധികം ടീസര് റിയാക്ഷന് വീഡിയോകള് എത്തിയതും ഈ ടീസറിന് ആയിരുന്നു.
ബിഗ് ബി എന്ന മലയാളത്തിലെ ശ്രദ്ധേയ ചിത്രം പുറത്തിറങ്ങി 14 വര്ഷത്തിനു ശേഷമാണ് അമല് നീരദും മമ്മൂട്ടിയും വീണ്ടുമൊന്നിക്കുന്നത് എന്നതുതന്നെയാണ് ചിത്രത്തിന്റെ ഹൈലൈറ്റ്. ബിഗ് ബിയുടെ തുടര്ച്ചയായ ‘ബിലാലാ’ണ് ഇരുവരും ചെയ്യാനിരുന്നതെങ്കിലും കൊവിഡ് പശ്ചാത്തലത്തില് പ്രോജക്റ്റ് നീളുകയായിരുന്നു.
പകരമാണ് ഭീഷ്മ പര്വ്വം അപ്രതീക്ഷിതമായി പ്രഖ്യാപിക്കപ്പെട്ടത്. അമല് നീരദിനൊപ്പം ദേവദത്ത് ഷാജിയും ചേര്ന്നാണ് ചിത്രത്തിന്റെ രചന നിര്വ്വഹിച്ചിരിക്കുന്നത്. അഡീഷണല് സ്ക്രിപ്റ്റ് രവിശങ്കര്, അഡീഷണല് ഡയലോഗ്സ് ആര്ജെ മുരുകന്.
ആനന്ദ് സി ചന്ദ്രന് ആണ് ഛായാഗ്രാഹകന്. എഡിറ്റിംഗ് വിവേക് ഹര്ഷന്, സംഗീതം സുഷിന് ശ്യാം, വരികള് റഫീഖ് അഹമ്മദ്, വിനായക് ശശികുമാര്, പ്രൊഡക്ഷന് ഡിസൈന് സുനില് ബാബു, ജോസഫ് നെല്ലിക്കല്, വസ്ത്രാലങ്കാരം സമീറ സനീഷ്, സൗണ്ട് ഡിസൈന് തപസ് നായക്, സ്റ്റണ്ട് ഡയറക്ടര് സുപ്രീം സുന്ദര്, അസോസിയേറ്റ് ഡയറക്ടര് ലിനു ആന്റണി. ഡിസൈന് ഓള്ഡ് മങ്ക്സ്. പിആര്ഒ ആതിര ദില്ജിത്ത്.
സൗബിന് ഷാഹിര്, ഷൈന് ടോം ചാക്കോ, ശ്രീനാഥ് ഭാസി, ഫര്ഹാന് ഫാസില്, ദിലീഷ് പോത്തന്, നെടുമുടി വേണു, ജിനു ജോസഫ്, സുദേവ് നായര്, കെപിഎസി ലളിത, നദിയ മൊയ്തു, ലെന, ശ്രിന്ദ, വീണ നന്ദകുമാര് തുടങ്ങി വലിയ താരനിരയാണ് അണിനിരക്കുന്നത്. മാര്ച്ച് 3 നാണ് റിലീസ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here