മലപ്പുറത്ത് വൻ കഞ്ചാവ് വേട്ട. വിൽപ്പനയ്ക്കായി കൊണ്ടുവന്ന 22 കിലോഗ്രാം കഞ്ചാവുമായി രണ്ടു പേർ പൊലീസിന്റെ പിടിയിലായി. കരുവാരക്കുണ്ട് സ്വദേശികളായ കുറുക്കൻ റഷാദ്, പടിപ്പുര വീട്ടിൽ ഫാസിൽ എന്നിവരെയാണ് കടുങ്ങൂത്ത് വച്ച് മലപ്പുറം പൊലീസ് അറസ്റ്റ് ചെയ്തത്.
ജില്ലാ പൊലീസ് മേധാവിയ്ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, മലപ്പുറം ഡിവൈഎസ്പിയുടെ നിർദേശാനുസരണം നടത്തിയ പരിശോധനയിലാണ് പ്രതികൾ പിടിയിലായത്.
വിൽപ്പനയ്ക്കായി കൊണ്ടുവന്ന 22 കിലോഗ്രാം കഞ്ചാവ് പ്രതികളിൽ നിന്ന് കണ്ടെടുത്തു. കാറിൽ ഒളിപ്പിച്ച നിലയിലായിരുന്നു കഞ്ചാവ്. ഇവർ കഞ്ചാവ് കടത്തിന് ഉപയോഗിച്ച വാഹനം പൊലീസ് കസ്റ്റഡിയിലെടുത്തു.
മലപ്പറം പൊലീസ് ഇൻസ്‌പെക്ടർ ജോബിതോമസ് ന്റെ നേതൃത്വത്തിൽ ആയിരുന്നു പരിശോധന. എസ്‌ഐമാരായ അമീറലി വി , മുഹമ്മദ് അലി, ഗിരീഷ്,എം തുടങ്ങിയവരും അന്വേഷണ സംഘത്തിലുണ്ടായിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
Get real time update about this post categories directly on your device, subscribe now.
