ADVERTISEMENT
കെ എസ് ഇ ബിയില്‍ ശമ്പള പരിഷ്‌കരണത്തിന്റെ മറവില്‍ വന്‍ ധൂര്‍ത്ത് എന്ന മനോരമയുടെ പ്രചാരണം വസ്തുതകള്‍ മറച്ച് വെച്ചെന്ന് രേഖകള്‍. കഴിഞ്ഞ യുഡിഎഫ് ഭരണകാലത്തും സമാന രീതിയിലുള്ള നടപടികളാണ് കെ എസ് ഇ ബി നടന്നത്.
കേരള ഇലക്ട്രിസിറ്റി ബോര്‍ഡില്‍ ശമ്പളപരിഷ്‌കരണതിലൂടെ 1200 കോടി രൂപ അധികബാധ്യത എന്ന മലയാള മനോരമയുടെ വാര്‍ത്ത വസ്തുതകളും നടപടിക്രമങ്ങളും മറച്ചുവയ്ക്കുന്നത് ആണെന്ന രേഖകളാണ് പുറത്തുവന്നത്.
ഓരോ അഞ്ചു വര്‍ഷം കൂടുമ്പോഴാണ് പേ റിവിഷന്‍ കമ്മിറ്റി തൊഴിലാളി സംഘടനകളുമായി ചര്‍ച്ച ചെയ്ത് ശമ്പളപരിഷ്‌കരണം അടക്കമുള്ള പരിഷ്‌കാര നടപടികള്‍ ദീര്‍ഘകാലാടിസ്ഥാനത്തില്‍ തീരുമാനിക്കുക. ഇന്‍ഡസ്ട്രിയല്‍ ഡിസ്പ്യൂട്ട് ആക്ടിന് വിധേയമായി പ്രവര്‍ത്തിക്കുന്ന കെഎസ്ഇബിക്കും ഇത് ബാധകമാണ്.
കോണ്‍ഗ്രസ് ഭരണകാലത്ത് സമാന രീതിയില്‍ തന്നെയാണ് കെഎസ്ഇബിയില്‍ ശമ്പളപരിഷ്‌കരണവുമായി ബന്ധപ്പെട്ട നടപടികള്‍ ഉണ്ടായത്. ജി കാര്‍ത്തികേയന്‍ വൈത്യുതി മന്ത്രിയായിരിക്കെ 1995 മുന്‍കാലപ്രാബല്യത്തോടെ നടപ്പിലാക്കിയ ശമ്പള പരിഷ്‌കരണത്തിന് അനുമതി ലഭിച്ചത് 2007ലാണ്. പിന്നീടുള്ള വര്‍ഷങ്ങളിലും സമാന രീതിയിലാണ് കെഎസ്ഇബിയില്‍ ശമ്പളപരിഷ്‌കരണം അംഗീകരിക്കപ്പെട്ടത്.
ഈ സുപ്രധാന വിവരമാണ് മലയാള മനോരമ വാര്‍ത്ത യില്‍ നിന്നും മറച്ചു വെച്ചത്. വൈദ്യുതി ബോര്‍ഡ് ചെയര്‍മാന്‍ ബി അശോക് വസ്തുതകള്‍ മറച്ചുവച്ച് ഫേസ്ബുക്കില്‍ കുറിച്ച കുറിപ്പ് അതേപടി കെഎസ്ഇബിയില്‍ വന്‍ ധൂര്‍ത്ത് എന്ന രീതിയില്‍ വ്യാഖ്യാനിക്കുക മാത്രമാണ് മലയാള മനോരമ ചെയ്തത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
Get real time update about this post categories directly on your device, subscribe now.
