മണ്ണെണ്ണ ഇന്ധനമായി ഉപയോഗിച്ച് മത്സ്യബന്ധനം നടത്തുന്ന യാനങ്ങളുടെയും എഞ്ചിനുകളുടെയും ഏകദിന സംയുക്ത പരിശോധന ഫിഷറീസ്, സിവില് സപ്ലൈസ്, മത്സ്യഫെഡ് ഉദ്യോഗസ്ഥരുടെ നേതൃത്വത്തില് ഫെബ്രുവരി 27ന് രാവിലെ എട്ട് മണി മുതല് വൈകുന്നേരം അഞ്ച് മണി വരെ സംസ്ഥാനത്തൊട്ടാകെ നിശ്ചിത കേന്ദ്രങ്ങളില് നടത്തുമെന്ന് ഫിഷറീസ് വകുപ്പ് മന്ത്രി സജി ചെറിയാന് അറിയിച്ചു. കൊവിഡ് മൂന്നാം തരംഗത്തിന്റെ പശ്ചാത്തലത്തില് മാറ്റിവെച്ച പരിശോധനയാണ് പുതുക്കിയ തീയതിയില് നടത്തുക.
യോഗ്യമായ എല്ലാ വള്ളങ്ങളും ഒമ്പത് തീരദേശ ജില്ലകളിലെയും നിശ്ചിത പരിശോധന കേന്ദ്രങ്ങളില് ബന്ധപ്പെട്ട രേഖകള് സഹിതം ഹാജരാക്കി സംയുക്ത പരിശോധനക്ക് വിധേയാമാക്കാം. സംയുക്ത പരിശോധനക്ക് ഹാജരാകാത്ത എഞ്ചിനുകള്ക്കു മത്സ്യബന്ധനത്തിനായുള്ള മണ്ണെണ്ണ പെര്മിറ്റ് അനുവദിക്കാനാകില്ല.
കൊവിഡിന്റെ പശ്ചാത്തലത്തില് ഒരു യാനത്തോടൊപ്പം ഒരാള്ക്ക് മാത്രമേ പരിശോധന കേന്ദ്രത്തില് പ്രവേശനമുണ്ടാകൂ. 10 വര്ഷം വരെ കാലപ്പഴക്കമുള്ള എഞ്ചിനുകള് പരിശോധനക്ക് ഹാജരാക്കാം. അവയ്ക്ക് രജിസ്ട്രേഷന്, മത്സ്യബന്ധന ലൈസന്സ്, എകങട (ഫിഷറീസ് ഇന്ഫര്മേഷന് മാനേജ്മെന്റ് സിസ്റ്റം) രജിസ്ട്രേഷന് എന്നിവ നിര്ബന്ധമാണ്. ഒരു വ്യക്തിക്ക് പരമാവധി രണ്ടു എഞ്ചിനുകള്ക്കു മാത്രമേ പെര്മിറ്റ് അനുവദിക്കുകയുള്ളൂ എന്നും മന്ത്രി വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here