കൊല്ലം ബീച്ചിൽ തിരയിലകപ്പെട്ട പത്തുവയസുകാരനെ ലൈഫ്ഗാർഡുമാർ രക്ഷപ്പെടുത്തി. ചവറ സ്വദേശി മുഹമ്മദ്ഇബ്രാഹിമിന്റെ മകൻ ഹസൻ ആണ് തിരയിൽപ്പെട്ടത്. ലൈഫ്ഗാര്ഡ് ടവറിന് 50 മീറ്റര് മാറി വൈകിട്ട് 5.30ഓടെയാണ് അപകടം.
വേലിയേറ്റ സമയമായതിനാൽ തിര ശക്തമായി കരയിലേക്ക് അടിച്ചുകയറുന്നുണ്ടായിരുന്നു. അതിനാൽ ബീച്ചിലെത്തിയവർക്ക് ലൈഫ് ഗാർഡുമാർ മുന്നറിയിപ്പ് നൽകിയിരുന്നു. കുട്ടിയുടെ അച്ഛൻ ഉൾപ്പെടെയുള്ളവർക്ക് മുന്നറിയിപ്പ് നൽകി മടങ്ങിയ ഉടനെയായിരുന്നു അപകടമെന്ന് ലൈഫ്ഗാർഡുമാർ അറിയിച്ചു.
ഉടൻ രക്ഷാപ്രവർത്തനം നടത്താനായതാണ് ദുരന്തമൊഴിവാക്കിയത്. ലൈഫ്ഗാർഡുമാരായ എം കെ പൊന്നപ്പൻ, രതീഷ്കുമാർ,ഷാജി ഫ്രാൻസിസ് എന്നിവരാണ് കുട്ടിയെ രക്ഷപ്പെടുത്തിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here