ഓസ്ട്രേലിയയ്ക്കെതിരായ അവസാന ട്വൻറി-20 മത്സരത്തിൽ ശ്രീലങ്കയ്ക്ക് ആശ്വാസ ജയം. ആദ്യ നാല് മത്സരങ്ങൾ ജയിച്ച് പരമ്പര നേരത്തെ ഓസീസ് സ്വന്തമാക്കിയിരുന്നു. ആദ്യം ബാറ്റ് ചെയ്ത ഓസീസ് ആറ് വിക്കറ്റിന് 154 റൺസ് നേടി. ഒരു പന്തു ശേഷിക്കേ അഞ്ച് വിക്കറ്റ് നഷ്ടത്തിൽ ലങ്ക ലക്ഷ്യം മറികടന്നു.
58 പന്തിൽ 69 റൺസുമായി പുറത്താകാതെ നിന്ന വിക്കറ്റ് കീപ്പർ കുശാൽ മെൻഡിസാണ് ലങ്കയ്ക്ക് ജയം സമ്മാനിച്ചത്. ക്യാപ്റ്റൻ ദസൂൻ ഷാനക 35 റൺസ് നേടി. ഓസീസിനായി കെയിൻ റിച്ചാർഡ്സൺ രണ്ടു വിക്കറ്റുകൾ നേടി. മെൻഡിസാണ് മാൻ ഓഫ് ദ മാച്ച്.
നേരത്തെ 43 റൺസ് നേടിയ മാത്യൂ വേഡാണ് ഓസീസിന് ഭേദപ്പെട്ട സ്കോർ സമ്മാനിച്ചത്. ഗ്ലെൻ മാക്സ് വെൽ (29), ജോഷ് ഇംഗിലിസ് (23) എന്നിവരും പൊരുതി. ലങ്കയ്ക്കായി ലഹിരു കുമാരയും ദുശ്മന്ത ചമീരയും രണ്ടു വിക്കറ്റുകൾ വീതം നേടി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
