ആനയുടെ ആക്രമണത്തിൽ നിന്ന് തലനാരിഴയ്ക്ക് രക്ഷപ്പെട്ട് കൊല്ലം സ്വദേശി. നൂറനാട് വച്ചായിരുന്നു സംഭവം. കൊടശ്ശനാട് ക്ഷേത്ര ഉത്സവ ആറാട്ട് കടന്നു പോകുമ്പോഴാണ് ആന ഇടഞ്ഞത്.
ഡ്രൈവർ സീറ്റിലിരുന്ന കൊല്ലം പോരുവഴി മലനട സ്വദേശിയും ശാസ്ത്ര സാഹിത്യ പരിഷത്ത് പ്രവർത്തകനും എസ് ബി ഐ അടൂർ ബ്രാഞ്ചിലെ സീനിയർ അസോസിയേറ്റുമായ ഗിരീഷാണ് തലനാരിഴയ്ക്ക് രക്ഷപ്പെട്ടത്.
ആന കാറ് ആക്രമിച്ചു.പ്രാണഭയത്താൽ ഗിരീഷ് മുൻവശത്ത മറ്റൊരു ഡോറിലൂടെ രക്ഷപ്പെട്ടു. കുളനടയിൽ മരണവീട്ടിൽ പോയി മടങ്ങുമ്പോഴാണ് ആനയുടെ ആക്രമണമുണ്ടായത്.
ഒരു മണിക്കൂറിനു ശേഷമാണ് തിടമ്പേറ്റി നിന്ന ആനയെ തളച്ചത്. ഈ സമയമത്രയും ആനയുടെ പുറത്ത് രണ്ടു പേർ തിടമ്പുമായി ഉണ്ടായിരുന്നു.നൂറനാട് പൊലീസിൽ ഗിരീഷ് പരാതി നൽകി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
