യാത്രകള്‍ ഇഷ്ടപ്പെടുന്നതുപോലെ യാത്രകള്‍ക്ക് ഉപയോഗിയ്ക്കുന്ന വാഹനങ്ങളും എല്ലാവര്‍ക്കും ഏറെ പ്രീയപ്പെട്ടതാണ്.ആഡംബര കാർ മോഡലുകളുടെ വിഭാഗത്തിൽ സ്റ്റെലാൻഡിസിന്റെ ഉപകമ്പനിയായ ആൽഫ റോമിയോ മികച്ച രീതിയില്‍ വളരുകയാണ്. അതുകൊണ്ടുതന്നെ ആൽഫ റോമിയോയുടെ പുതിയ സ്‌പോർട്‌സ് കാർ മോഡൽ ഈ ദശകത്തിൽ തന്നെ അവതരിപ്പിക്കും എന്ന് ഓട്ടോ കാര്‍ ഇന്ത്യ റിപ്പോര്‍ട്ട് ചെയ്യുന്നു.
പുതിയ ലിമിറ്റഡ് എഡിഷൻ മോഡലുകൾ വികസിപ്പിക്കുമെന്നും വിശദാംശങ്ങൾ പുറത്തുവിടുമെന്നും ആൽഫ റോമിയോ സിഇഒ ജീൻ ഫിലിപ്പ് ഇംപെരാഡോ അറിയിച്ചതായാണ് റിപ്പോര്‍ട്ടുകള്‍.
ഭാവിയിലെ സ്‌പോർട്‌സ് കാർ ഡിസൈനുകളെ ആൽഫ റോമിയോ സ്‌പൈഡർ ഡ്യുയേറ്റോ എന്ന് വിളിക്കാമെന്നും അദ്ദേഹം കൂട്ടിച്ചേർത്തു. ഭാവി മോഡലുകൾ ആൽഫ റോമിയോ പാരമ്പര്യത്തിന്റെ തെളിവായിരിക്കുമെന്നും അദ്ദേഹം കൂട്ടിച്ചേർത്തു.
ആൽഫ റോമിയോ അടുത്തിടെ ഡോണലി എന്ന പുതിയ ഇലക്ട്രിക് മോഡൽ അവതരിപ്പിച്ചു. ഇതൊരു കോംപാക്ട് എസ്‌യുവി മാതൃകയാണ്. കമ്പനിയുടെ വിധി മാറ്റുന്നതിൽ ഇത് വളരെ പ്രധാനപ്പെട്ട മോഡലായി കണക്കാക്കപ്പെടുന്നു.
ഒരു ചരിത്ര കമ്പനിയാണെങ്കിലും, ഈ നൂറ്റാണ്ടിൽ രണ്ട് ആൽഫ സ്‌പോർട്‌സ് കാറുകൾ മാത്രമാണ് ആൽഫ റോമിയോ അവതരിപ്പിച്ചത്. ഒന്ന് ആൽഫ റോമിയോ 8 സി, മറ്റൊന്ന് അടുത്തിടെ പുറത്തിറക്കിയ ആൽഫ റോമിയോ 4 സി. രണ്ട് മോഡലുകൾക്കും വിപണിയിൽ മികച്ച സ്വീകാര്യതയാണ് ലഭിച്ചത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
