നടിയെ ആക്രമിച്ച കേസിലെ പ്രതി ദിലീപിന്റെ അഭിഭാഷകൻ രാമൻ പിള്ളയ്ക്ക് ക്രൈം ബ്രാഞ്ച് നോട്ടീസ്. കേസിലെ സാക്ഷിയെ സ്വാധീനിക്കാന് ശ്രമിച്ചെന്ന പരാതിയിലാണ് ക്രൈം ബ്രാഞ്ച് നോട്ടീസ്. ഇതുമായി ബന്ധപ്പെട്ട് മൊഴിയെടുക്കലിന് ഹാജരാവണമെന്നാവശ്യപ്പെട്ടാണ് നോട്ടീസ്. അഭിഭാഷകനായതിനാല് ഹാജരാവാന് കഴിയില്ലെന്ന് രാമന് പിള്ള മറുപടി നല്കി.
നടിയെ ആക്രമിച്ച കേസിലെ മാപ്പു സാക്ഷി ജിന്സനെ സ്വാധീനിക്കാന് ദിലീപിന്റെ അഭിഭാഷകന് രാമന്പിള്ള ശ്രമം നടത്തിയത് സംബന്ധിച്ച തെളിവുകള് റിപ്പോര്ട്ടര് ടിവിക്ക് ലഭിച്ചിരുന്നു. ജിന്സന്റെ സഹതടവുകാരനായിരുന്ന കൊല്ലം സ്വദേശി നാസര് എന്നയാള് വഴി രാമന്പിള്ള നടത്തിയ ശ്രമത്തിന്റെ ഓഡിയോയാണ് നേരത്തെ പുറത്തുവന്നത്. ദിലീപ് പറഞ്ഞിട്ടായിരിക്കും രാമന്പിള്ള തന്നെ വിളിച്ച് ജിന്സനോട് കാര്യങ്ങള് സംസാരിക്കാന് ആവശ്യപ്പെട്ടതെന്ന് നാസര് ഓഡിയോയില് പറയുന്നു. നടി ആക്രമണ കേസിലെ നിര്ണായക സാക്ഷിയാണ് ജിന്സന്.
ജിന്സന് കൂറുമാറിയാല് ഏറ്റവും കൂടുതല് ഗുണകരമാവുന്നത് ദിലീപിനായിരിക്കും. ദിലീപ് താനുമായി നേരിട്ട് ബന്ധപ്പെടാത്തത് സാക്ഷികളെ സ്വാധീനിക്കാന് ശ്രമിച്ചുവെന്ന കാര്യം പുറത്താവുമെന്നതിനാലാവുമെന്നും രാമന്പിള്ളയോട് നേരിട്ട് വിളിക്കാന് പറയെന്നും ജിന്സന് പറയുന്നു. 25 ലക്ഷം രൂപ മിനിമം ലഭിക്കുമെന്ന് പ്രതീക്ഷയാണ് ജിന്സന് പങ്കുവെക്കുന്നത്. അഞ്ച് സെന്റ് വസ്തു കിട്ടുന്ന മാര്ഗമാണിതെന്നും നാസര് പറയുന്നു. പള്സര് സുനിയെ നമുക്ക് പിന്നീട് ഇറക്കാമെന്നും നാസര് പറയുന്നുണ്ട്. ജിന്സനെ സ്വാധീനിക്കാന് ശ്രമിച്ചത് സംബന്ധിച്ച് കേസ് നിലനില്ക്കുന്നുണ്ട്. ക്രൈംബ്രാഞ്ചാണ് ഇക്കാര്യം അന്വേഷിക്കുന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here