കാക്കനാട് രണ്ടര വയസ്സുകാരിക്ക് ഗുരുതരമായി പരുക്കേറ്റ സംഭവത്തില് അന്വേഷണം പുരോഗമിക്കുന്നു. കുട്ടിയെ ആരും മര്ദ്ദിച്ചിട്ടില്ലെന്ന മൊഴിയില് ഉറച്ചു നില്ക്കുകയാണ് അമ്മയും അമ്മുമ്മയൂം.
അതിനിടെ അമ്മയുടെ സഹോദരീ പങ്കാളിയായ ആന്റണി ടിജിന് ഇപ്പോഴും ഒളിവിലാണ്. താന് നിരപരാധിയാണെന്ന് വ്യക്തമാക്കിയുളള ആന്റണിയുടെ വിഡിയോയും പുറത്തുവന്നിരുന്നു. താന് ഒളിവിലല്ലെന്ന് തൃക്കാക്കരയിൽ ക്രൂരമായി ആക്രമിക്കപ്പെട്ട രണ്ടരവയസുകാരിക്കും കുടുംബത്തിനും ഒപ്പം താമസിച്ചിരുന്ന ആന്റണി ടിജിന് .
പൊലീസിനെ ഭയന്നാണ് മാറിനില്ക്കുന്നതെന്നും നേരത്തെയുള്ള പരാതിയിൽ പനങ്ങാട് പൊലീസ് തന്നെ ക്രൂരമായി മര്ദ്ദിച്ചിരുന്നെന്നും ആന്റണി പറഞ്ഞു. കുട്ടി കളിക്കുന്നതിനിടെ വീണാണ് പരിക്കേറ്റതെന്നാണ് ഇയാള് പറയുന്നത്. ദേഹത്ത് പൊള്ളലേറ്റത് കുന്തിരിക്കം വീണാണെന്നും കുട്ടി കരഞ്ഞ് കാണാഞ്ഞതിനാലാണ് ആശുപത്രിയില് എത്തിക്കാഞ്ഞതെന്നും ആന്റണി പറഞ്ഞു.
നിരപരാധിത്വം തെളിയിക്കണമെന്നും ഇതിനായി പൊലീസിനെ ചെന്ന് ഉടൻ കാണുമെന്നും ആന്റണി റ്റിജിന് പറഞ്ഞു. അപസ്മാരം കണ്ടതോടെ താനാണ് ആദ്യം ആശുപത്രിയിലെത്തിച്ചതെന്നും ടിജിന് പറഞ്ഞു.
അതേസമയം കുട്ടിയുടെ ആരോഗ്യനിലയില് പുരോഗതിയുണ്ടെന്ന് ഡോക്ടര്മാര് അറിയിച്ചു. കുട്ടിക്ക് സ്വയം ശ്വസിക്കാന് കഴിയുന്നുണ്ടെന്നും വെന്റിലേറ്ററില് നിന്നും മാറ്റിയതായും ഡോക്ടര്മാര് അറിയിച്ചു.
സ്വയം ശ്വസിക്കാൻ കുട്ടിക്ക് കഴിയുന്നുണ്ടെന്ന് കോലഞ്ചേരി മെഡിക്കൽ കോളേജ് ആശുപത്രി ഇറക്കിയ മെഡിക്കൽ ബുള്ളറ്റിൻ അറിയിച്ചു. അതേസമയം വെന്റിലേറ്റർ ആവശ്യമായി വന്നാൽ ഉപയോഗിക്കുമെന്നും ഡോക്ടർമാർ അറിയിച്ചു.
48 മണിക്കൂറിനുള്ളിൽ കുട്ടിക്ക് അപസ്മാര ബാധ ഉണ്ടായിട്ടില്ല. ശ്വാസഗതിയും ഹൃദയമിടിപ്പും സാധാരണ ഗതിയിൽ. വൈകുന്നേരത്തോടുകൂടി ദ്രവ രൂപത്തിലുള്ള ആഹാരം കൊടുത്തു തുടങ്ങാനായേക്കുമെന്ന പ്രതീക്ഷയിലാണ്.തലച്ചോറിലെ നീര്ക്കെട്ട് കുറയാനുമുള്ള മരുന്നുകള് നല്കുന്നുണ്ട്.
തെങ്ങോടുള്ള ഫ്ളാറ്റില് വാടകയ്ക്കു താമസിക്കുന്ന കുമ്പളം സ്വദേശിനി ഗംഗാസൗമ്യയുടെ മകളാണ് അക്രമത്തിനിരയായത്. തലച്ചോറിന് ക്ഷതം, മുതുകില് പൊള്ളല് എന്നിങ്ങനെ ഗുരുതര പരിക്കുകളോടെയാണ് കുഞ്ഞിനെ ആശുപത്രിയില് പ്രവേശിപ്പിച്ചത്. കുഞ്ഞിന്റെ ശരീരത്തിലെ പരുക്കുകള് പല നാളുകളായി സംഭവിച്ചതാണെന്ന് ഡോക്ടര്മാര് സംശയം പ്രകടിപ്പിച്ചതിനെ തുടര്ന്നാണ് ആശുപത്രി അധികൃതര് പൊലീസില് അറിയിച്ചത്.
കുഞ്ഞിന്റെ ചികിത്സ വൈകിപ്പിച്ചതിന് ഗംഗാസൗമ്യ (38)ക്കെതിരെ തൃക്കാക്കര പൊലീസ് കേസെടുത്തു. ആവശ്യമായ ചികിത്സ നൽകാത്തതിനാണ് കേസ്.
കാക്കനാട് തെങ്ങോട് പഴങ്ങാട്ട് പരീത് റോഡിലെ ഫ്ലാറ്റിൽ ഇവർ വാടകയ്ക്ക് താമസിക്കുകയാണ്. കുട്ടിയുടെ അച്ഛനുമായി വേർപിരിഞ്ഞാണ് താമസിക്കുന്നത്. കുഞ്ഞിനു മര്ദനമേറ്റതു സംബന്ധിച്ച് പരസ്പരവിരുദ്ധമായ കാര്യങ്ങളാണ് കുട്ടിയുടെ അമ്മയും അമ്മൂമ്മയും പറഞ്ഞിരുന്നത്. ഫ്ളാറ്റിൽ ഇവർക്കൊപ്പമുണ്ടായിരുന്ന സഹോദരി, സഹോദരിയുടെ മകൻ, പങ്കാളി എന്നിവർ കഴിഞ്ഞ ദിവസം അവിടെ നിന്നും പോയതും ദുരൂഹതയാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here