ഉക്രൈനെതിരെ സൈനിക നടപടിക്ക് ഉത്തരവിട്ട് റഷ്യ. സൈനിക നടപടിക്ക് പ്രസിഡന്റ് വ്ലാടിമര് പുടിന് ഉത്തരവിട്ടു. രാജ്യത്തിന് പുറത്ത് സൈനിക വിന്യാസം നടത്താന് കഴിഞ്ഞ ദിവസം റഷ്യന് പാര്ലമെന്റ് പുടിന് അനുമതി നല്കിയിരുന്നു.
എന്നാല് അതിന് പിന്നാലെയാണ് സൈന്യത്തിനെ തടയാന് ശ്രമിക്കുന്നവര്ക്ക് ചുട്ട മറുപടി കൊടുക്കുമെന്നും റഷ്യ എന്തിനും തയാറാണെന്നും പുടിന് പ്രഖ്യാപിച്ചത്. ഉക്രൈയ്നിലെ ഡോണ് ബാസ് മേഖലയിലേക്ക് കടക്കാന് സൈന്യത്തിന് നിര്ദേശം നല്കിയിരിക്കുകയാണ്.
തിരിച്ചടിച്ചാല് ഇതുവരെ കാണാത്ത പ്രത്യാഘാതങ്ങള് ഉണ്ടാകുമെന്നും പുടിന് മുന്നറിയിപ്പ് നല്കി. ഇതിനെ തുടര്ന്ന് ഐക്യരാഷ്ട്ര സഭ പ്രത്യേക യോഗം ചേരും. അതേസമയം റഷ്യന് ആക്രമണ സാധ്യത നിലനില്ക്കെ രാജ്യത്ത് അടിയന്തരാവസ്ഥ പ്രഖ്യാപിച്ചിരിക്കുകയാണ് യുക്രൈന്.
റഷ്യയുടെ ആക്രമണമുണ്ടായാല് നേരിടാനും പ്രതിരോധിക്കാനും തയ്യാറാണെന്ന് യുക്രൈന് അറിയിച്ചു. നടപടികള്ക്കെതിരെ റഷ്യയ്ക്ക് മേല് സാമ്പത്തിക ഉപരോധം പ്രഖ്യാപിച്ച് കൂടുതല് രാജ്യങ്ങള് രംഗത്തെത്തി. രാജ്യത്ത് ഒരുമാസത്തെ അടിയന്തരാവസ്ഥ പ്രഖ്യാപിക്കാനാണ് ദേശീയ സുരക്ഷാ സമിതി നിര്ദേശം നല്കിയത്.
യുക്രൈനില് റഷ്യന് ആക്രമണം ഉടനുണ്ടാകുമെന്ന് യുഎസ് സ്റ്റേറ്റ് സെക്രട്ടറി മുന്നറിയിപ്പ് നല്കി. കിഴക്കന് യുക്രൈന് മേഖലയിലെ വ്യോമാര്തിര്ത്തി റഷ്യ അടച്ചാതായാണ് റിപ്പോര്ട്ട്. അതേസമയം യൂറോപ്പിലാകെ അധിനിവേശത്തിനാണ് റഷ്യ ശ്രമിക്കുന്നതെന്ന് യുക്രൈന് പ്രസിഡന്റ് വ്ലോദ്മിര് സെലന്സ്കി. ഏതുനിമിഷവും യുദ്ധമുണ്ടായാക്കാമെന്നും അദ്ദേഹം പറഞ്ഞു.
യുക്രൈന് ശക്തമായ പ്രതിരോധം തീര്ക്കുമെന്നും അദ്ദേഹം വ്യക്തമാക്കി.നാറ്റോ സൈനിക ശക്തികള് സഹായിച്ചില്ലെങ്കില് റഷ്യയുമായി ഒറ്റയ്ക്ക് പൊരുതി നില്ക്കാനുള്ള ശക്തി തങ്ങള്ക്കുണ്ടെന്നും വ്ലോദ്മിര് സെലന്സ്കി അവകാശപ്പെട്ടു. യുദ്ധഭീതിയുടെ പശ്ചാത്തലത്തില് യുക്രൈനിന്റെ പലഭാഗത്ത് നിന്നും കൂട്ടപലായനങ്ങള് ആരംഭിച്ചതായും റിപ്പോര്ട്ടുകള് വരുന്നുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here