യുക്രൈന് രക്ഷാദൗത്യത്തിന്റെ ഭാഗമായുള്ള രണ്ടാമത്തെ വിമാനം ഞായറാഴ്ച പുലര്ച്ചെ 2.45 ഓടെ ദില്ലിയിലെത്തി. റൊമാനിയയിലെ ബുക്കാറസ്റ്റിൽ നിന്നാണ് 251 യാത്രികരുമായി വിമാനം എത്തിയത്. ഇതില് 31 മലയാളികളുണ്ട്. 16പേർ രാവിലെയും ബാക്കിയുള്ളവർ വൈകിട്ടും കേരളത്തിലെത്തും.
യുക്രൈനില് നിന്നുള്ള ഇന്ത്യക്കാരുമായുള്ള ആദ്യ വിമാനം ശനിയാഴ്ച രാത്രിയോടെ മുംബൈയിലെത്തിയിരുന്നു. ഇതില് 27 മലയാളികള് ഉള്പ്പടെ 219 പേരാണ് ഉണ്ടായിരുന്നത്. യുക്രൈന് രക്ഷാ ദൗത്യത്തിന് ഓപ്പറേഷന് ഗംഗ എന്നാണ് കേന്ദ്ര സര്ക്കാര് പേരിട്ടിരിക്കുന്നത്.
തിരിച്ചെത്തുന്ന മലയാളികള്ക്ക് ദില്ലിയിലും മുംബൈയിലും നോര്ക്ക സൗകര്യമൊരുക്കിയിട്ടുണ്ട്. ഇവരെ സൗജന്യമായി കേരളത്തിലെത്തിക്കുമെന്ന് സംസ്ഥാന സര്ക്കാർ കഴിഞ്ഞദിവസംതന്നെ വ്യക്തമാക്കിയിരുന്നു.
രക്ഷാദൗത്യത്തിന്റെ ഭാഗമായുള്ള എയര്ഇന്ത്യയുടെ മൂന്നാം വിമാനം ഇന്ന് തന്നെ ദില്ലിയിലെത്തും. ഹംഗേറിയന് തലസ്ഥാനമായ ബുദാപെസ്റ്റില് നിന്നാണ് ഇന്ത്യക്കാരുമായുള്ള അടുത്ത വിമാനം എത്തുക.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here