മതവും ജാതിയും മാത്രം പറയുന്ന സര്‍ക്കാരുകള്‍ക്ക് എന്തിനാണ് വോട്ട് ചെയ്യുന്നതെന്ന് കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി. ജാതിയുടെയും മതത്തിന്റെയും രാഷ്ട്രീയമാണ് ഉത്തര്‍പ്രദേശിലെ മോശം അവസ്ഥയ്ക്ക് കാരണമെന്നും പ്രിയങ്ക ഗാന്ധി കൂട്ടിച്ചേർത്തു.
മൂന്ന് പതിറ്റാണ്ടായി സംസ്ഥാനത്ത് കോണ്‍ഗ്രസ് ഇതര സര്‍ക്കാരുകള്‍ വികസനത്തിന്റെ വലിയ അവകാശവാദങ്ങളല്ലാതെ ഒന്നും ചെയ്തിട്ടില്ലെന്നും പ്രിയങ്ക പറഞ്ഞു. പനിയറയില്‍ നടന്ന തെരഞ്ഞെടുപ്പ് യോഗത്തിലാണ് പ്രിയങ്ക ബിജെപിക്കെതിരെ രൂക്ഷ വിമര്‍ശനം ഉന്നയിച്ചത്.
സംസ്ഥാനത്തെ കര്‍ഷകര്‍ നേരിടുന്ന അലഞ്ഞുതിരിയുന്ന കന്നുകാലി ശല്യത്തെക്കുറിച്ച് പ്രധാനമന്ത്രി നരേന്ദ്ര മോദിക്ക് എങ്ങനെ അജ്ഞനായിരിക്കാന്‍ കഴിയുമെന്നും പ്രിയങ്ക ചോദിച്ചു. ‘യുപിക്ക് പുരോഗതി പ്രാപിക്കാമായിരുന്നു, പക്ഷേ ബിജെപി കോടിക്കണക്കിന് രൂപ ചെലവഴിക്കുന്ന പരസ്യങ്ങള്‍ മാത്രമേയുള്ളൂ ഇവിടെ, മുഖ്യമന്ത്രിയും പ്രധാനമന്ത്രിയും എല്ലാം ബിജെപിക്കാരാണ്, പക്ഷേ വികസനത്തിന്റെ പേരില്‍ ഇവിടെ ഒന്നും നടക്കുന്നില്ല, എന്തുകൊണ്ടാണ് ഇത്തരമൊരു സാഹചര്യം ഉയര്‍ന്നുവന്നത്, അതിനുള്ള ഉത്തരം കഴിഞ്ഞ 30 വര്‍ഷമായി ഇത് ജാതിയുടെയും മതത്തിന്റെയും പേരിലുള്ള രാഷ്ട്രീയമായിരുന്നു എന്നതാണ് പ്രിയങ്ക പറഞ്ഞു.
ജാതിയുടെയും മതത്തിന്റെയും പേരില്‍ ജനങ്ങളുടെ വികാരങ്ങള്‍ മുതലെടുത്തുകൊണ്ട് മാത്രമാണ് ബഹുജന്‍ സമാജ് പാര്‍ട്ടിക്കും സമാജ്വാദി പാര്‍ട്ടിക്കും ബിജെപിക്കും സര്‍ക്കാരുണ്ടാക്കാന്‍ കഴിഞ്ഞതെന്നും അതിനാല്‍ സംസ്ഥാനം വികസനം കണ്ടില്ലെന്നും അവര്‍ പറഞ്ഞു. ‘അത്തരമൊരു അവസ്ഥയില്‍, ജോലി ചെയ്യേണ്ട ആവശ്യമില്ല എന്നത് നിങ്ങള്‍ നേതാക്കളെ ശീലപ്പിച്ചു, നിങ്ങള്‍ എല്ലാവരും തെറ്റാണ് ചെയ്തത്, നിങ്ങളുടെ കുട്ടികള്‍ തൊഴില്‍ രഹിതരായാലും വൈകാരിക വിഷയങ്ങളില്‍ കണ്ണടച്ച് നിങ്ങള്‍ വോട്ട് ചെയ്യും,” പ്രിയങ്ക വോട്ടര്‍മാരെ അഭിസംബോധന ചെയ്ത് പറഞ്ഞു.
”അവര്‍ ഇവിടെ വന്ന് പാകിസ്ഥാനെക്കുറിച്ചും തീവ്രവാദത്തെക്കുറിച്ചും ജാതിയെക്കുറിച്ചും മതത്തെക്കുറിച്ചും സംസാരിക്കുന്നു, പക്ഷേ ആരും നിങ്ങളെക്കുറിച്ച് സംസാരിക്കുന്നില്ല.” അലഞ്ഞുതിരിയുന്ന കന്നുകാലി ശല്യം ചൂണ്ടിക്കാട്ടി, പ്രശ്നപരിഹാരത്തിന് ഛത്തീസ്ഗഡ് മാതൃക നടപ്പാക്കാമെന്ന് മുഖ്യമന്ത്രി യോഗി ആദിത്യനാഥിന് കത്തയച്ചെങ്കിലും അദ്ദേഹം മറുപടി നല്‍കിയില്ലെന്ന് അവര്‍ പറഞ്ഞു. ഛത്തീസ്ഗഡ് മാതൃകയില്‍ സര്‍ക്കാര്‍ ജനങ്ങളില്‍ നിന്ന് ചാണകം വാങ്ങുന്നു, അതിന്റെ ഫലമായി അവര്‍ അലഞ്ഞുതിരിയുന്ന കന്നുകാലികളെ പരിപാലിക്കുകയും പ്രശ്‌നം പരിഹരിക്കുകയും ചെയ്യുമെന്ന് പ്രതീക്ഷിക്കുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
