അമല് നീരദിന്റെ സംവിധാനത്തില് മമ്മൂട്ടി നായകനായി എത്തുന്ന ചിത്രമാണ് ഭീഷ്മപര്വ്വം. മാര്ച്ച് മൂന്നിനാണ് ചിത്രം പ്രേക്ഷകരിലേക്കെത്തുന്നത്. ഇപ്പോഴിതാ ചിത്രത്തിന്റേതായി പുറത്തിറങ്ങിയ പുതിയ പോസ്റ്ററാണ് ഏവരുടെയും ശ്രദ്ധനേടുന്നത്.
ഭീഷ്മപര്വ്വത്തിലെ സ്ത്രീകഥാപാത്രങ്ങളെ മാത്രം ഉള്ക്കൊള്ളിച്ചു കൊണ്ടുള്ളതാണ് പോസ്റ്റര്. ലെന, കെപിഎസി ലളിത, സ്രിന്ദ, നദിയ മൊയ്തു, മാലാ പാര്വ്വതി തുടങ്ങിയവര് അവതരിപ്പിക്കുന്ന കഥാപാത്രങ്ങളെ പോസ്റ്ററില് കാണാം. നിരവധി പേരാണ് പോസ്റ്ററിനെ അഭിനന്ദിച്ചു കൊണ്ട് രംഗത്തെത്തുന്നത്.
ഡ്രാമ വിഭാഗത്തില് പെടുന്ന ചിത്രത്തില് മൈക്കിള് എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്. തബു, ഫര്ഹാന് ഫാസില്, ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, ശ്രിന്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരക്കുന്നത്. അമല് നീരദും ദേവ്ദത്ത് ഷാജിയും ചേര്ന്നാണ് ചിത്രത്തിന്റെ തിരക്കഥ.
മുഖ്യധാരാ സിനിമയില് പില്ക്കാലത്ത് കള്ട്ട് പദവി തന്നെ നേടിയ ബിഗ് ബി പുറത്തിറങ്ങി 14 വര്ഷത്തിനു ശേഷമാണ് മമ്മൂട്ടിയും അമല് നീരദും വീണ്ടും ഒന്നിക്കുന്നത്. ബിഗ് ബിയുടെ തുടര്ച്ചയായ ബിലാല് ആണ് ഇരുവരും ചെയ്യാനിരുന്ന ചിത്രം. എന്നാല് വലിയ കാന്വാസും നിരവധി ഔട്ട്ഡോര് സീക്വന്സുകളുമൊക്കെയുള്ള ചിത്രം കൊവിഡ് പശ്ചാത്തലത്തില് അസാധ്യമായതിനാല് ആ ഇടവേളയില് താരതമ്യേന ഒരു ചെറിയ ചിത്രം ചെയ്യുകയായിരുന്നു അവര്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here