മന്ത്രി പിഎ മുഹമ്മദ് റിയാസ് യൂണിഫോമില് വീണ്ടും സ്കൂളിലെത്തി. പൂര്വ വിദ്യാര്ഥിയായ മന്ത്രി റിയാസ് കോഴിക്കോട് സെന്റ് ജോസഫ്സ് ബോയ്സ് ഹയര് സെക്കന്ററി സ്കൂളിന്റെ വാര്ഷിക ചടങ്ങില് പങ്കെടുക്കാനാണ് യൂണിഫോമില് എത്തിയത്.
ചരിത്രമുറങ്ങുന്ന കോഴിക്കോട് സെന്റ് ജോസഫ് ബോയ്സ് ഹയര്സെക്കന്ഡറി സ്കൂളില് യൂണിഫോമണിഞ്ഞ് എത്തിയ മന്ത്രിയെ അധ്യാപകരും സഹപാഠികളും ചേര്ന്ന് വരവേറ്റു. 1988 മുതല് 92 വരെ സെന്റ് ജോസഫ് സ്കൂളിലായിരുന്നു അദ്ദേഹം പഠിച്ചത്.
സ്കൂള് പഠന കാലത്തെ ഓര്മ്മകള് പങ്കുവെച്ചും സെല്ഫിയെടുത്തും സ്കൂള് മുറ്റത്ത് മന്ത്രിയും സഹപാഠികളും ഒത്തുകൂടി. 230 ആം വര്ഷത്തിലേക്ക് കടക്കുന്ന സ്കൂളിന്റെ ‘മിഷന് ഗ്ലോറിയസ് സാഞ്ചോ’ എന്ന നവീകരണ പ്രവര്ത്തനങ്ങളുടെ ഉദ്ഘാടനം മന്ത്രി നിര്വഹിച്ചു.
മുഹമ്മദ് റിയാസിന്റെ ഹെഡ്മാസ്റ്ററായിരുന്ന ഫാദര് ജോസഫ് കല്ലേപ്പള്ളി സ്കൂളിന്റെ സ്നേഹോപഹാരം മന്ത്രിയ്ക്ക് കൈമാറി. 92 SSLC ബാച്ച് സഹപാഠികളുടെ സ്നേഹാദരം ചിത്രകാരന് പോള് കല്ലാനോട് നല്കി. മേയര് ബീന ഫിലിപ്പ് അധ്യക്ഷത വഹിച്ച ചടങ്ങില് സ്കൂള് പ്രിന്സിപ്പാള് ഉള്പ്പടെയുള്ളവര് പങ്കെടുത്തു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here