യുക്രൈൻ – റഷ്യൻ ആക്രമണം ആറാം ദിനവും കടുക്കുകയാണ്. ഖേർസൺ നഗരം റഷ്യ കീഴടക്കി. ഖേഴ്സന് നഗരം കീഴടക്കിയ റഷ്യന് സൈന്യം ചെക്പോസ്റ്റ് സ്ഥാപിച്ചു. 65 കിലോമീറ്റര് നീളമുള്ള റഷ്യന് ടാങ്ക് വ്യൂഹം കീവിലേക്ക് നീങ്ങുകയാണ്. എന്നാൽ ആക്രമണം കൂടുന്ന സാഹചര്യത്തിൽ കീവ് നഗരം വിടാന് ജനലക്ഷങ്ങളാണ് റെയില്വെ സ്റ്റേഷനില് തിരക്ക് കൂട്ടുന്നത്.
സമാധാന ചര്ച്ച ഒന്നാംഘട്ടം പിന്നിട്ടെങ്കിലും യുക്രെയ്നില് റഷ്യന് ആക്രമണം രൂക്ഷം. കീവിലും ഖാര്കീവിലും തുടരെ സ്ഫോടനങ്ങളും ഷെല്ലാക്രമണങ്ങളും നടത്തി. കീവില് രാത്രി കര്ഫ്യൂ തുടരുന്നു. അതിനിടെ യൂറോപ്യന് യൂണിയന് അംഗത്വത്തിന് യുക്രെയ്ന് അപേക്ഷ നല്കി. ബെലാറൂസില് നടന്ന റഷ്യ–യുക്രെയ്ന് ആദ്യറൗണ്ട് ചര്ച്ച രാത്രിയോടെ തന്നെ അവസാനിച്ചു. ചര്ച്ച അഞ്ചര മണിക്കൂര് നീണ്ടു.
ചില തീരുമാനങ്ങളിലെത്തിയെന്ന് യുക്രെയ്ന് പ്രതിനിധിയും ധാരണയിലെത്താനുളള നിര്ദേശങ്ങള് രൂപപ്പെട്ടെന്ന് റഷ്യയും വ്യക്തമാക്കി. ലോകം പ്രതീക്ഷയോടെയാണ് ഇരരാജ്യങ്ങളുടേയും പ്രിതകരണം കേട്ടത്. പോളണ്ട്–ബെലാറൂസ് അതിര്ത്തിയില് ഏതാനും ദിവസങ്ങള്ക്കുളളില് രണ്ടാം റൗണ്ട് ചര്ച്ച നടക്കുമെന്നാണ് സൂചനകള്.
രണ്ടാം റൗണ്ട് ചര്ച്ചകള് നടക്കുന്നതോടെ സമാധാനം പുലരാനുള്ള നടപടികള്ക്ക് വേഗം കൂടുമെന്നാണ് ലോകരാജ്യങ്ങളുടെ പ്രതീക്ഷ. ചര്ച്ചകള്ക്ക് പിന്നാലെ റഷ്യ. കീവിലും ഖാര്കീവിലും തുടരെ സ്ഫോടനങ്ങളും ഷെല്ലാക്രമണങ്ങളും നടത്തി. കീവില് രാത്രി വലിയ മിസൈല് ആക്രമണങ്ങളുണ്ടായെന്ന് റിപ്പോര്ട്ടുകളുണ്ട്. യുദ്ധത്തിലെ 5 ദിവസങ്ങളില് 56 റോക്കറ്റുകളും 113 ക്രൂസ് മിസൈലുകളഉം റഷ്യ പ്രയോഗിച്ചെന്ന് യുക്രെയ്ന് പ്രസിഡന്റ് വ്യക്തമാക്കി. നിരോധിച്ച വാക്വം ബോബ് റഷ്യ ഉപയോഗിച്ചെന്ന് സ്ഥിരീകരിക്കാത്ത റിപ്പോര്ട്ടുകളുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here