യുക്രൈനില് നിന്നും ഇന്ത്യക്കാരെ എത്തിക്കുന്നതിനായി ഓപ്പറേഷന് ഗംഗയുടെ ഭാഗമായി വ്യോമസേനയുടെ പ്രത്യേക വിമാനം പുലര്ച്ചെ നാല് മണിയോടെ ഹിന്ഡന് സൈനികത്താവളത്തില് നിന്നും റൊമേനിയിലേക്ക് പുറപ്പെട്ടു.
ഇതുവരെ 2500 ലധികം ഇന്ത്യക്കാര് മിഷന്റെ ഭാഗമായി തിരികെ എത്തിയിട്ടുണ്ട്. അതേസമയം കര്ക്കിവില് നിന്നുള്ള ഒഴിപ്പിക്കല് നടപടികള്ക്കുള്ള പദ്ധതി ഊര്ജ്ജിതമാക്കിയതായി വിദേശകാര്യ മന്ത്രാലയം വ്യക്തമാക്കി.
മൂന്ന് ദിവസത്തിനുള്ളില് 26 വിമാനങ്ങള് അതിര്ത്തി രാജ്യങ്ങളിലേക്ക് അയക്കുമെന്നാണ് വ്യക്തമാക്കിയിരിക്കുന്നത്. മള്ഡോവയുടെ അതിര്ത്തി തുറന്നതായി കേന്ദ്രമന്ത്രി ജ്യോതിരാദിത്യ സിന്ധ്യ ട്വിറ്റര് വഴി അറിയിച്ചു.
ഇന്ത്യന് വിദ്യാര്ത്ഥികള്ക്ക് അതിര്ത്തി കടക്കാന് എല്ലാ സൗകര്യവും ഒരുക്കിയിട്ടുണ്ട്. ഇവര്ക്ക് വെള്ളവും ഭക്ഷണവും വിശ്രമിക്കാനുള്ള ഇടവും ഒരുക്കിയിട്ടുണ്ടെന്നും അദ്ദേഹം ട്വിറ്ററില് കുറിച്ചു.
രക്ഷാപ്രവര്ത്തന നടപടികളുടെ ഭാഗമായി ഇന്ന് നാലിലധികം വിമാനങ്ങള് ദില്ലിയില് തിരിച്ചെത്തും. പോളണ്ടില് നിന്നുള്ള ആദ്യ വിമാനവും ഇന്ന് ദില്ലിക്ക് എത്തും.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here