ഐ-ലീ​ഗിൽ ആദ്യജയം നേടി ശ്രീനിധി ഡെക്കാൻ

ഐ-ലീ​ഗ് ചരിത്രത്തിലെ തങ്ങളുടെ ആദ്യവിജയം നേടി ശ്രീനിധി ഡെക്കാൻ. ഇന്ന് നടന്ന മത്സരത്തിൽ ട്രാവു എഫ്സിയെ ഒന്നിനെതിരെ മൂന്ന് ​ഗോളുകൾക്കാണ് ശ്രീനിധി തോൽപ്പിച്ചത്. ഇക്കുറി ഐ-ലീ​ഗിലേക്ക് പുതിയതായെത്തിയ ടീമാണ് ശ്രീനിധി.

ബം​ഗാളിനെ നയ്ഹാതി സ്റ്റേഡിയത്തിൽ നടന്ന മത്സരത്തിന്റെ രണ്ടാം മിനിറ്റിൽ തന്നെ ശ്രീനിധി ലീഡ് നേടി. കൊളംബിയൻ മുന്നേറ്റതാരം ഡേവി‍ഡ് മുനോസാണ് വലകുലുക്കിയത്. മത്സരത്തിന്റെ 30-ാം മിനിറ്റിൽ ശ്രീനിധി ലീഡുയർത്തി. ഇക്കുറി വലനിറയ്ക്കാൻ അവസരം ലഭിച്ചത് നൈജരിയൻ സ്ട്രൈക്കർ ലൂയിസ് ഓ​ഗാനയ്ക്കായിരുന്നു. എന്നാൽ മൂന്ന് മിനിറ്റിന് ശേഷം ട്രാവും തിരിച്ചടിച്ചു. ഉസ്ബകിസ്ഥാനിൽ നിന്നുള്ള മുന്നേറ്റതാരം അക്കോബിർ ടുറായേവാണ് വലുകുലുക്കിയത്. പക്ഷെ ഒരു ​ഗോൾ മടക്കിയതിന്റെ ആത്മവിശ്വാസം അധികം വൈകാതെ ട്രാവുവിന് നഷ്ടമായി. 41-ാം മിനിറ്റിൽ തന്റെ രണ്ടാം ​ഗോൾ നേടി മുനോസ് ശ്രീനിധിയുടെ വിജയം കളി പാതി പിന്നിടും മുമ്പെ ഉറപ്പിച്ചുകഴിഞ്ഞു.

കഴിഞ്ഞ ക്രിസ്മസിന് പിറ്റേന്നാണ് 2021-22 ഐ-ലീ​ഗ് സീസൺ കിക്കോഫ് ചെയ്തത്. എന്നാൽ ആദ്യ റൗണ്ട് മത്സരങ്ങൾക്ക് പിന്നിലെ പല ടീമുകളുടേയും ക്യാംപുകളിൽ കോവിഡ് റിപ്പോർട്ട് ചെയ്തു. ഇതോടെ ജനുവരി ആദ്യം ഐ-ലീ​ഗ് താൽക്കാലികമായി നിർത്തിവയ്ക്കുകയായിരുന്നു. തുടർന്ന് ഇന്നാണ് ലീ​ഗ് പുനരാരംഭിച്ചത്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here