അമല് നീരദിന്റെ സംവിധാനത്തില് മമ്മൂട്ടി നായകനായ ചിത്രം ‘ഭീഷ്മ പര്വം’ കഴിഞ്ഞ ദിവസമാണ് തിയറ്ററുകളില് എത്തിയത്. ചിത്രത്തിന് മികച്ച പ്രതികരണമായിരുന്നു ആദ്യ ദിനം തന്നെ തിയറ്ററുകളില് നിന്ന് കിട്ടിയത്. ചലച്ചിത്രപ്രവര്ത്തകരടക്കം മമ്മൂട്ടി സിനിമയെ ഏറ്റെടുത്ത് രംഗത്ത് എത്തി,
ഇപ്പോഴിതാ സിനിമാതാരം മണികണ്ഠന് രാജന് ഭീഷ്മപര്വത്തെകുറിച്ച് ഫേസ്ബുക്കില് കുറിച്ചിരിക്കുന്ന വാക്കുകളാണ് പ്രേക്ഷകര് ഏറ്റെടുത്തിരിക്കുന്നത്.ഭീഷ്മ കണ്ടു….ഒരു നഗരത്തെ കല എന്ന മാധ്യമം എങ്ങനെ ഉണര്ത്തും എന്ന് ഇന്നലെ രാത്രിയില് ഒന്നുകൂടെ അനുഭവപ്പെട്ടു….സിനിമയില് ഇനിയും ഒരുപാട് കാര്യങ്ങള് ചെയ്യാനും പഠിക്കാനുമുള്ള ത്വര കൂട്ടിയതിനു ഭീഷ്മര്ക്കും ഭീഷ്മ ടീമിനും നന്ദി…..എന്നാണ് മണികണ്ഠന്റെ വാക്കുകള്
അമല് നീരദ് പ്രൊഡക്ഷന്സിന്റെ ബാനറിലാണ് നിര്മാണം. എ ആന്ഡ് എയാണ് ചിത്രത്തിന്റെ വിതരണം. വിവേക് ഹര്ഷന് ആണ് ചിത്രത്തിന്റെ ചിത്രസംയോജനം.
ഫര്ഹാന് ഫാസില്, ഷൈന് ടോം ചാക്കോ, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, സ്രിദ്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരിക്കുന്നത്. അമല് നീരദും ദേവദത്ത് ഷാജിയും ചേര്ന്നാണ് ‘ഭീഷ്മ പര്വ’ത്തിന്റെ തിരക്കഥ എഴുതിയിരിക്കുന്നത്. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹണം നിര്വഹിച്ചിരിക്കുന്നത്. സുഷിന് ശ്യാം ആണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്.
സ്റ്റൈലിഷായ മമ്മൂട്ടിയെ ചിത്രത്തിലൂടെ വീണ്ടും കാണാനാകുന്നുവെന്നാണ് ‘ഭീഷ്മ പര്വ’ത്തെ കുറിച്ചുള്ള അഭിപ്രായങ്ങള്. ആക്ഷനിലും സംഭാഷണങ്ങളിലും’ ഭീഷ്മ പര്വ’ത്തില് മമ്മൂട്ടി വലിയ മികവ് കാട്ടിയിരിക്കുന്നു. സംവിധായകന് അമല് നീരദിന്റെ സ്റ്റൈലിഷ് മെയ്ക്കിംഗ് തന്നെയാണ് ഭീഷ്മ പര്വത്തിന്റെ പ്രധാന ആകര്ഷണം. ക്രൈം ഡ്രാമയായിട്ടാണ് ചിത്രം എത്തിയിരിക്കുന്നതെങ്കിലും വൈകാരികാംശങ്ങളുള്ള കുടുംബ കഥയും ചിത്രത്തില് ഇഴചേര്ന്ന് നില്ക്കുന്നു. ‘ഭീഷ്മ പര്വ’ത്തിന്റെ ആദ്യ ദിനത്തെ കളക്ഷനെ കുറിച്ചുള്ള ഔദ്യോഗിക സ്ഥിരീകരണത്തിന് കാത്തിരിക്കുകയാണ് ആരാധകര്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here