യുക്രൈനില് റഷ്യ താല്ക്കാലിക വെടിനിര്ത്തല് പ്രഖ്യാപിച്ചതോടെ ഇന്ത്യ ഒഴിപ്പിക്കല് നടപടികള് വേഗത്തിലാക്കി. പെസോച്ചിനിലെ 298 പേരെ ഉടന് നഗരത്തിനു പുറത്തെത്തിക്കാനായി ബസുകള് ഏര്പ്പാടാക്കിയതായി എംബസി ട്വീറ്റ് ചെയ്തു.
മരിയപോളില് നിന്ന് രണ്ടു ലക്ഷം പേരെ ഒഴിപ്പിക്കുമെന്ന് മേയര് പറഞ്ഞു. വോള്നോവാഹയിലും ഒഴിപ്പിക്കല് നടപടികള് പുരോഗമിക്കുകയാണ്. വെടിനിര്ത്തല് പ്രഖ്യാപിച്ചെങ്കിലും സൂമിയില് കുടുങ്ങിയ വിദ്യാര്ഥികളെ പുറത്തുകടത്താനാവുമോയെന്നതില് അവ്യക്തത തുടരുകയാണ്.
നിരവധി വിദ്യാര്ഥികള് ഇവിടെ ഭക്ഷണമോ വെള്ളമോ ഇല്ലാത്ത സാഹചര്യത്തില് തുടരുകയാണ്. ഇനിയും കാത്തിരിക്കാനാവില്ലെന്നും അതിര്ത്തിയിലേക്കു നടക്കുകയാണെന്ന് വിദ്യാര്ഥികള് അറിയിച്ചതായി റിപ്പോര്ട്ടുകളുണ്ട്.
യുദ്ധം ആരംഭിച്ച് പത്താംദിവസമാണ് റഷ്യ വെടിനിര്ത്തല് പ്രഖ്യാപിച്ചത്. രക്ഷാപ്രവര്ത്തനത്തിന് വേണ്ടിയാണ് താല്ക്കാലിക വെടിനിര്ത്തല്.കുടുങ്ങിക്കിടക്കുന്നവരെ ഒഴിപ്പിക്കും. ഏറ്റുമുട്ടല് രൂക്ഷമായ മരിയൂപോള്, വോള്നോവാക്ക എന്നിവിടങ്ങളിലാണ് അടിയന്തര വെടിനിര്ത്തലുണ്ടായത്.
ലോകരാജ്യങ്ങളുടെ ആവര്ത്തിച്ചുള്ള അഭ്യര്ത്ഥന കണക്കിലെടുത്താണ് തീരുമാനം. ഇന്ത്യന് സമയം 12.50 ന് വെടിനിര്ത്തല് നിലവില് വരും. കുടുങ്ങിക്കിടക്കുന്ന സിവിലിയന്മാരെ ഒഴിപ്പിക്കുന്നതിന് മനുഷ്യ ഇടനാഴി ഒരുക്കും. കഴിഞ്ഞദിവസം റഷ്യ ആക്രമിച്ച സപോര്ഷ്യ ആണവ നിലയത്തിന്റെ നിയന്ത്രണം യുക്രൈന് തിരികെ പിടിച്ചതായി റിപ്പോര്ട്ടുകളുണ്ട്.
ചെര്ണോബിലിലെ ആണവ നിലയം കഴിഞ്ഞ പത്തുദിവസമായി റഷ്യന് സൈന്യം വളഞ്ഞിരിക്കുകയാണ്. ഇവിടത്തെ ജീവനക്കാര് മാനസികമായും ശാരീരികമായും തളര്ന്നിരിക്കുകയാണെന്ന് സ്ലാവുച്ച് മേയര് യൂറി ഫോമിചെവ് പറഞ്ഞു.
കീവിന് അടുത്തുള്ള ഇര്പിന് നഗരത്തിലെ സൈനിക ആശുപത്രിയില് റഷ്യന് സൈന്യം ബോംബ് ആക്രമണം നടത്തി. തെക്കുകിഴക്കന് തുറമുഖനഗരമായ മരിയുപോള് റഷ്യന് സൈന്യം വളഞ്ഞിരിക്കുകയാണ്. മേഖലയുടെ നിയന്ത്രണം റഷ്യയുടെ നിയന്ത്രണത്തിലാണെന്നാണ് റിപ്പോര്ട്ടുകള്.
റഷ്യന് സൈന്യം നടത്തിയ ആക്രമണത്തില് ഇതുവരെ 28 കുട്ടികള് കൊല്ലപ്പെട്ടതായി യുക്രൈന് അറിയിച്ചു. 840 പേര്ക്ക് പരിക്കേറ്റതായും യുക്രൈന് നാഷണല് സെക്യൂരിറ്റി കൗണ്സില് തലവനായ ഒലെക്സി ഡാനിലോവ് പറഞ്ഞു. ആക്രമണം നടക്കുന്ന മേഖലകളില് സ്ത്രീകള്ക്കും കുട്ടികള്ക്കും രക്ഷപ്പെടാനുള്ള അവസരം ഉണ്ടാക്കണമെന്നും ഡാനിലോവ് അഭ്യര്ത്ഥിച്ചു.
കീവിലെ ബുച്ച നഗരത്തില് കാറില് പോകുകയായിരുന്ന സാധാരണക്കാരുടെ കാറിന് നേര്ക്ക് റഷ്യന് സൈന്യം വെടിയുതിര്ത്തു. 17 വയസ്സുള്ള പെണ്കുട്ടി അടക്കം രണ്ടുപേര് കൊല്ലപ്പെട്ടു. നാലുപേര്ക്ക് പരിക്കേറ്റിട്ടുണ്ട്. യുക്രൈന് നഗരമായ സുമിയിലും ചെര്ണീവിലും റഷ്യ വ്യോമാക്രമണ മുന്നറിയിപ്പ് നല്കിയിട്ടുണ്ട്. സുമിയില് നിരവധി ഇന്ത്യന് വിദ്യാര്ത്ഥികല് കുടുങ്ങിക്കിടക്കുന്നതായി റിപ്പോര്ട്ടുണ്ട്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here