ഇന്ത്യയ്ക്ക് വേണ്ടി ടെസ്റ്റില് ഏറ്റവുമധികം വിക്കറ്റ് വീഴ്ത്തിയ രണ്ടാമത്തെ താരം എന്ന റെക്കോഡ് ഇനി രവിചന്ദ്ര അശ്വിന്റെ പേരിൽ. കപില് ദേവിനെ മറികടന്നാണ് ആര്. അശ്വിന് രണ്ടാം സ്ഥാനത്ത് എത്തിയത്.
കപിലിന്റെ 434 വിക്കറ്റ് നേട്ടം അശ്വിൻ മറികടന്നു. ശ്രീലങ്കയ്ക്കെതിരായ മൊഹാലി ടെസ്റ്റിൽ ചരിത് അസലങ്കയെ വീഴ്ത്തിയാണ് അശ്വിൻ റിക്കാർഡ് നേട്ടം സ്വന്തമാക്കിയത്.
കപിൽ 131 മത്സരങ്ങളില് നിന്ന് സ്വന്തമാക്കിയ നേട്ടം അശ്വിൻ 85 മത്സരങ്ങളിൽ നിന്നും മറികടന്നു. ഇന്ത്യയ്ക്ക് വേണ്ടി ടെസ്റ്റില് ഏറ്റവുമധികം വിക്കറ്റ് വീഴ്ത്തിയ താരം അനില് കുംബ്ലെയാണ്. 132 ടെസ്റ്റുകളില് നിന്ന് 619 വിക്കറ്റുകളാണ് കുംബ്ലെയുടെ റിക്കാർഡ് ബുക്കിലുള്ളത്.
നിലവില് ടെസ്റ്റില് ഏറ്റവുമധികം വിക്കറ്റ് വീഴ്ത്തിയ ബൗളര്മാരുടെ പട്ടികയില് അശ്വിന് ഒൻപതാമതാണ്. 800 വിക്കറ്റ് വീഴ്ത്തിയ മുത്തയ്യ മുരളീധരനാണ് പട്ടികയില് ഒന്നാമത്. ഷെയ്ന് വോണ് (708) രണ്ടാമതും ജെയിംസ് ആന്ഡേഴ്സണ് (640) മൂന്നാമതുമാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here