പുനര്ഗേഹം പദ്ധതിയുടെ ഭാഗമായി നിര്മ്മിച്ച 250 വീടുകളുടെ താക്കോല് ഗുണഭോക്താക്കള്ക്ക് നാളെ കൈമാറും തിരുവനന്തപുരം കായിക്കര കുമാരനാശാന് സ്മാരക അങ്കണത്തില് വെച്ചു നടക്കുന്ന ചടങ്ങില് മുഖ്യമന്ത്രി പിണറായി വിജയന് താക്കോല്കൈമാറ്റം നടത്തും. സര്ക്കാരിന്റെ ഒന്നാം വാര്ഷികത്തോടനുബന്ധിച്ച് നടക്കുന്ന നൂറു ദിന പരിപാടിയുടെ ഭാഗമായി 689 വ്യക്തിഗത ഭവനങ്ങള് കൈമാറുന്നതിന്റെ ആദ്യഘട്ടമാണിത്. ആദ്യ നൂറു ദിന പരിപാടിയുടെ ഭാഗമായി 308 വ്യക്തിഗത ഭവനങ്ങള് പൂര്ത്തിയാക്കി കൈമാറിയിരുന്നു.
മുഖ്യമന്ത്രിയുടെ ഫേസ്ബുക്ക് പോസ്റ്റിന്റെ പൂര്ണ്ണരൂപം
തീരദേശത്ത് വേലിയേറ്റ രേഖയില് നിന്നും 50 മീറ്റര് പരിധിയ്ക്കുള്ളില് കഴിയുന്ന മുഴുവന് ജനവിഭാഗങ്ങളെയും സുരക്ഷിതമേഖലയില് പുനരധിവസിപ്പിക്കുന്നതിനായി തയ്യാറാക്കിയ പുനര്ഗേഹം പദ്ധതിയുടെ ഭാഗമായി നിര്മ്മിച്ച 250 വീടുകള് നാളെ തിരുവനന്തപുരം കായിക്കര കുമാരനാശാന് സ്മാരക അങ്കണത്തില് വെച്ചു നടക്കുന്ന ചടങ്ങില് ഗുണഭോക്താക്കള്ക്കു കൈമാറും. സര്ക്കാരിന്റെ ഒന്നാം വാര്ഷികത്തോടനുബന്ധിച്ച് നടക്കുന്ന നൂറു ദിന പരിപാടിയുടെ ഭാഗമായി 689 വ്യക്തിഗത ഭവനങ്ങള് കൈമാറുന്നതിന്റെ ആദ്യഘട്ടമാണിത്. ആദ്യ നൂറു ദിന പരിപാടിയുടെ ഭാഗമായി 308 വ്യക്തിഗത ഭവനങ്ങള് പൂര്ത്തിയാക്കി കൈമാറിയിരുന്നു.
2020 ല് ആരംഭിച്ച പുനര്ഗേഹം പദ്ധതി പ്രകാരം നാളിതുവരെ 1109 ഗുണഭോക്താക്കള്ക്ക് സ്വന്തമായി ഭൂമി കണ്ടെത്തി ഭവനം നിര്മിച്ചു നല്കാന് സാധിച്ചു. 1126 വീടുകളുടെ നിര്മാണം പുരോഗമിക്കുകയാണ്. 2235 പേര് ഭൂമി രജിസ്റ്റര് ചെയ്തു. കൊല്ലം ജില്ലയിലെ കോളനിയിലെ 114 ഫ്ലാറ്റുകളുടെ നിര്മാണം ഈ മാസത്തില് തന്നെ പൂര്ത്തിയാകും.
ഇതിനു പുറമേ തിരുവനന്തപുരം ജില്ലയിലെ കാരോട്, വലിയതുറ, ആലപ്പുഴ ജില്ലയിലെ മണ്ണുംപുറം, മലപ്പുറം ജില്ലയിലെ നിറമരുതൂര്, പൊന്നാനി, കോഴിക്കോട് ജില്ലയിലെ വെസ്റ്റ് ഹില്, കാസര്കോട് ജില്ലയിലെ കോയിപ്പടി എന്നിവിടങ്ങളില് 784 ഫ്ലാറ്റുകള്ക്ക് ഭരണാനുമതി നല്കിയത് നിര്മാണത്തിന്റെ വിവിധ ഘട്ടങ്ങളിലായി പുരോഗമിക്കുകയാണ്. സുരക്ഷിത മേഖലയിലേക്ക് മാറുവാന് സന്നദ്ധത അറിയിച്ച മുഴുവന് പേരെയും മാറ്റിപ്പാര്പ്പിക്കുകയാണ് സര്ക്കാരിന്റെ ലക്ഷ്യം. ഈ ലക്ഷ്യത്തിലേക്ക് നമുക്കൊന്നിച്ച് മുന്നേറാം.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here