ആലുവയിൽ റെയിൽ പാത മുറിച്ച് കടക്കുന്നതിനിടെ ട്രെയിൻ ഇടിച്ച് യുവാവിൻ്റെ കൈ അറ്റു. തമിഴ്നാട് വില്ലുപുരം സ്വദേശി ലക്ഷ്മിപതിയുടെ വലത് കൈ ആണ് മുറിഞ്ഞത്. രാവിലെ 10 മണിയോടെയാണ് അപകടം.
ആലുവ പുളിഞ്ചുവട് ഭാഗത്ത് റെയിൽ പാത മുറിച്ച് കടക്കുമ്പോഴാണ് ലക്ഷ്മിപതി അപകടത്തിൽ പ്പെട്ടത്.
തൃശൂർ ഭാഗത്തേക്ക് പോകുകയായിരുന്ന ജനശദാബ്ദിയാ ണ് ഇടിച്ചത്. ട്രാക്കിൽ ചോര വാർന്ന് കിടന്ന ഇയാളെ റെയിൽവെ ഉദ്യോഗസ്ഥരും ലോക്കൽ പൊലീസ് ചേർന്ന് ആശുപത്രിയിലെത്തിച്ചു. ആലുവ പുളിഞ്ചുവട് റെയിൽ പാതയിൽ വളവുള്ള ഭാഗമാണ്.
അതിനാൽ ഇവിടെ അപകടങ്ങൾ പതിവാണെന്ന് നാട്ടുകാർ പറഞ്ഞു. റെയിൽവെ ലൈൻ മുറിച്ച്കടക്കുന്ന പ്രദേശവുമായി പരിചയമില്ലാത്ത ഇതരനാട്ടുകാരാണ് മിക്കവാറും അപകടത്തിൽപ്പെടുന്നത്. ലക്ഷ്മിപതി അപകടനില തരണം ചെയ്തതായി ആശുപത്രി അധികൃതർ അറിയിച്ചു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here