തെരഞ്ഞെടുപ്പ് നടക്കുന്ന അഞ്ചു സംസ്ഥാനങ്ങളിലും ഓടിനടന്ന് പ്രചാരണം നടത്തിയിട്ടും പ്രിയങ്കാ പ്രഭാവം ഫലം കാണുന്നില്ലായെന്നാണ് ആദ്യഫലസൂചനകള് വ്യക്തമാക്കുന്നത്. പരമാവധി കഠിനാധ്വാനം ചെയ്തിട്ടുണ്ടെന്നും യഥാര്ത്ഥ ഫലം വരട്ടെയെന്നുമായിരുന്നു എക്സിറ്റ് പോള് ഫലം പുറത്തു വന്നപ്പോള് പ്രിയങ്കാ ഗാന്ധിയുടെ പ്രതികരണം
ഉത്തര്പ്രദേശ്, ഉത്തരാഖണ്ഡ്, പഞ്ചാബ്, മണിപ്പുര്, ഗോവ എന്നീ അഞ്ചുസംസ്ഥാനങ്ങളിലേക്ക് രാവിലെ എട്ട് മുതലാണ് വോട്ടുകള് എണ്ണി തുടങ്ങിയത്. ആദ്യ ലീഡ് നില അനുസരിച്ച് ബിജെപിയാണ് മുന്നില്
കഴിഞ്ഞദിവസം പുറത്തുവന്ന എക്സിറ്റ് പോള് ഫലങ്ങള് യു.പി., ഉത്തരാഖണ്ഡ്, മണിപ്പുര് എന്നീ സംസ്ഥാനങ്ങളില് ബി.ജെ.പി.ക്ക് മേല്ക്കൈ പ്രവചിച്ചിരുന്നു. ഗോവയില് കോണ്ഗ്രസും ബി.ജെ.പി.യും ഒപ്പത്തിനൊപ്പമെന്നാണ് സൂചന. പഞ്ചാബില് എക്സിറ്റ്പോളുകളെല്ലാം ആം ആദ്മി പാര്ട്ടിക്ക് ഭരണമുറപ്പിക്കുന്നു.
ഉത്തര്പ്രദേശില് 403 സീറ്റുകളിലേക്കും പഞ്ചാബില് 117 സീറ്റുകളിലേക്കും ഉത്തരാഖണ്ഡില് 70 സീറ്റുകളിലേക്കും മണിപ്പുരില് 60 സീറ്റുകളിലേക്കും ഗോവയില് 40 സീറ്റുകളിലേക്കുമാണ് തിരഞ്ഞെടുപ്പ് നടന്നത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here