മഹാമാരിക്കാലത്തും കോര്പ്പറേറ്റുകള് ലാഭം കൊയ്തെന്ന് ധനമന്ത്രി കെ.എന് ബാലഗോപാല്. സംസ്ഥാന സര്ക്കാരിന്റെ 2022-2023 സാമ്പത്തിക വര്ഷത്തെ ബജറ്റ് അവതരിപ്പിക്കുന്നതിനിടെയാണ് അദ്ദേഹം ഇക്കാര്യം നിയമസഭയില് സൂചിപ്പിച്ചത്.
കേന്ദ്രനയങ്ങള് പ്രതിസന്ധി നേരിടാന് ഒട്ടും സഹായകരമല്ല. കൊവിഡ് കാലം കേരളത്തിലും വന് തൊഴില് നഷ്ടം ഉണ്ടാക്കി. സാമ്പത്തിക രംഗത്തെ പ്രതിസന്ധിക്ക് കാരണം ആഗോളീകരണ നയമാണ്. രൂപയുടെ മൂല്യത്തകര്ച്ച വലിയ പ്രതിസന്ധിയുണ്ടാക്കിയെന്നും ധനമന്ത്രി പറഞ്ഞു.
ലോകസമാധാന സമ്മേളനത്തിന് രണ്ട് കോടിയും ആഗോള വിദഗ്ധരുടെ ചര്ച്ചകള്ക്ക് രണ്ടു കോടിയും നീക്കിവച്ചതായി ധനമന്ത്രി പറഞ്ഞു. വിലക്കയറ്റം നേരിടാന് 2,000 കോടി രൂപയും ബജറ്റില് അനുവദിച്ചു. ഭക്ഷ്യ സുരക്ഷയ്ക്ക് 2,000 കോടി രൂപ നീക്കിവച്ചുവെന്നും ധനമന്ത്രി വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here