നിയമസഭാ തെരഞ്ഞെടുപ്പ് പരാജയത്തിന്റെ പശ്ചാത്തലത്തില് ദില്ലിയില് നടന്ന കോണ്ഗ്രസ് പ്രവർത്തക സമിതി യോഗം സമാപിച്ചു. മുതിര്ന്ന കോണ്ഗ്രസ് നേതാവും മുന്പ്രധാനമന്ത്രിയുമായ മന്മോഹന് സിങ്, എ.കെ. ആന്റണി തുടങ്ങി അഞ്ച് നേതാക്കള് യോഗത്തില് പങ്കെടുത്തിരുന്നില്ല.
അഞ്ച് സംസ്ഥാനങ്ങളിലേക്ക് നടന്ന നിയമസഭാ തെരഞ്ഞെടുപ്പില് കോണ്ഗ്രസ് ദയനീയ തോല്വി നേരിട്ട പശ്ചാത്തലത്തിലായിരുന്നു അടിയന്തര യോഗം. തെരഞ്ഞെടുപ്പ് തോല്വിയും നേതൃമാറ്റവും ഉള്പ്പെടെയുള്ള കാര്യങ്ങള് ഇന്നത്തെ പ്രവര്ത്തകസമിതി യോഗത്തില് ചര്ച്ചയായിരുന്നു.
തെരഞ്ഞെടുപ്പ് നടന്ന സംസ്ഥാനങ്ങളുടെ ചുമതല വഹിച്ച ജനറല് സെക്രട്ടറിമാര് പരാജയത്തിന്റെ കാരണങ്ങള് യോഗത്തില് വിശദീകരിക്കും. അവരുടെ റിപ്പോര്ട്ട് യോഗം വിശദമായി ചര്ച്ചചെയ്തു.
സ്ഥിരം അധ്യക്ഷനില്ലാതെ ഇനിയും മുന്നോട്ടുപോകുന്നത് ശരിയല്ലെന്ന കടുത്ത വിമര്ശനവും പാര്ട്ടിക്കുള്ളില്നിന്ന് ശക്തമായി ഉയരുന്നുണ്ട്. ഗാന്ധി കുടുംബത്തിന് പുറത്തുനിന്ന് ഒരാള് അധ്യക്ഷനാകേണ്ട കാര്യമുണ്ടോ എന്നതടക്കമുള്ള കാര്യങ്ങള് യോഗത്തില് ചര്ച്ചയ്ക്ക് വന്നുവെന്നാണ് സൂചനകള്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here