ഐഎസ്എല്‍ ഫൈനലിലെ ആദ്യ ഗോളടിച്ച് ബ്ലാസ്റ്റേ‍ഴ്സ്; അഭിമാനമായി മലയാളി

ഐഎസ്എല്‍ ഫൈനലിലെ ആദ്യ ഗോളടിച്ച് കേരളാ ബ്ലാസ്റ്റേ‍ഴ്സ്.  മലയാളിയായ കെ പി രാഹുലാണ് ബ്ലാസ്റ്റേ‍ഴ്സിന്  വേണ്ടി ആദ്യ ഗോളടിച്ചത്. 1-0 എന്ന നിലയിലാണ് നിലവില്‍ മത്സരം തുടരുന്നത്. മത്സരം തുടങ്ങി 68-ാം മിനുട്ടിലാണ് തൃശ്ശൂര്‍ക്കാരനായ കെ പി രാഹുല്‍ ബ്ലാസ്റ്റേ‍ഴ്സിന് വേണ്ടി ഗോളടിച്ചത്.

ചരിത്രപുസ്തകങ്ങളിൽ അവരുടെ ആദ്യ ഹീറോ ISL കിരീടം എഴുതി ചേർക്കാൻ ആണ് ഇരുടീമുകളും ഇറങ്ങിയത്. ആരാധകരെ എസ് എൽ സ്റ്റേഡിയത്തിലേക്ക് തിരിച്ചുവരുന്ന മത്സരം കൂടിയാകും ഇത്.

സെമിയിൽ കഴിഞ്ഞ സീസണിലെ റണ്ണേഴ്‌സ് അപ്പായ എടികെ മോഹൻ ബഗാനെതിരേ 3-2ന് അഗ്രഗേറ്റ് ജയിച്ച ശേഷമാണ് മാനുവൽ മാർക്വേസിന്റെ നേതൃത്വത്തിലുള്ള ടീം ഫൈനലിലെത്തിയത്. ആദ്യമായി ഫൈനൽ കളിക്കുന്ന ഹൈദരാബാദ് എഫ്‌സി കേരള ബ്ലാസ്റ്റേഴ്സിന് വലിയ വെല്ലുവിളിയാകും.

സെമിയിൽ ജംഷദ്പൂരിനെതിരെ 2-1ന്റെ അഗ്രഗേറ്റ് ജയത്തോടെയാണ് കേരള ബ്ലാസ്റ്റേഴ്സ് ഫൈനലിലേക്ക് മുന്നേറിയത്. തങ്ങളുടെ മൂന്നാമത്തെ ഹീറോ ഐഎസ്എൽ ഫൈനൽ കളിക്കുന്ന കേരള ബ്ലാസ്റ്റേഴ്സ് കിരീടത്തിൽ കുറഞ്ഞ ഒന്നും ഇന്ന് പ്രതീക്ഷിക്കുന്നില്ല.

കേരള ബ്ലാസ്റ്റേഴ്‌സ് എഫ്‌സിയും ഹൈദരാബാദ് എഫ്‌സിയും പരസ്പരം 6 തവണ ഏറ്റുമുട്ടിയപ്പോൾ മൂന്ന് മത്സരങ്ങൾ വീതം ജയിച്ചു. ഈ സീസണിൽ ഇരു ടീമുകളും ഓരോ മത്സരം വീതമാണ് നേർക്കുനേർ വന്നപ്പോൾ ജയിച്ചത്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.