കണ്ണ് തട്ടിപ്പോവരുതേ! ബിഗ് സല്യൂട്ട് മനുഷ്യ, ലളിതം സുന്ദരത്തെക്കുറിച്ച് നിർമൽ പാലാഴി

ലളിതം സുന്ദരത്തെ അഭിനയിച്ചെത്തിയിരിക്കുകയാണ് നിര്‍മല്‍ പാലാഴി. സിനിമ കണ്ടെന്നും ഒരുപാടിഷ്ടമായെന്നും പറഞ്ഞെത്തിയിരിക്കുകയാണ് നിര്‍മല്‍ ഇപ്പോൾ. ചിത്രത്തിലെ അഭിനേതാക്കളുടെ പെര്‍ഫോമന്‍സിനെക്കുറിച്ചും അദ്ദേഹം വാചാലനായിരുന്നു.

ഇപ്പോഴിതാ സംവിധായകനേയും താരങ്ങളേയുമെല്ലാം അഭിനന്ദിച്ചുള്ള കുറിപ്പുമായെത്തിയിരിക്കുകയാണ് അദ്ദേഹം.

നിർമൽ പാലാഴിയുടെ ഫേസ് ബുക്ക് കുറിപ്പ് ഇങ്ങനെ :

‘ലളിതം സുന്ദരം മനോഹരം. ഇപ്പോൾ ഹോട്ട്സറ്റാറിൽ സിനിമ കണ്ടു കഴിഞ്ഞതെ ഉള്ളു. അത്രയും നല്ല ഒരു സിനിമ. മഞ്ജുചേച്ചി, ബിജുഏട്ടൻ,അനു മോഹൻ. ഓരോ താരങ്ങളും അവരവരുടെ വേഷങ്ങൾ അത്രയും മനോഹരമാക്കി. പിന്നെ എടുത്തു പറയാൻ ഉള്ളത് സൈജുഏട്ടൻ ഇങ്ങനെ അങ്ങോട്ട് ഇഷ്ട്ടായിപ്പോയി എന്ന് വിളിച്ചു പറഞ്ഞപ്പോൾ അത് എന്താടാ നിനക്ക് ആദ്യം ഇഷ്ടമായിരുന്നില്ലേ എന്നായിരുന്നു എന്നോട് തിരിച്ചു ചോദിച്ചത്. അറക്കൽ അബുവിനെ ഇഷ്ടമില്ലാത്ത മലയാളികൾ ഉണ്ടോ, പക്ഷെ, ഈ സിനിമയിൽ നിങ്ങളുടെ നന്മ അതങ്ങോട്ട് മനസ്സിൽ കയറിപ്പോയി. കണ്ട് കഴിയുമ്പോൾ ജീവിതത്തിൽ അങ്ങനെ ആകുവാൻ ആഗ്രഹിച്ചു പോയി.

പിന്നെ ന്റെ സുധീഷ് ഏട്ടാ. എത്ര കാലമായി ഇങ്ങളേ കാണാൻ തുടങ്ങിയിട്ട്, ആധാരം,മണിച്ചിത്രത്താഴ്, മുദ്ര ഇങ്ങനെ ഒരുപാട് ഹിറ്റുകളിൽ മനോഹരമായ കഥാപാത്രങ്ങൾ ചെയ്ത് പിന്നീട് ഒരു ചെറിയ ഇടവേളക്ക് ശേഷം ഉള്ള ഇങ്ങളെ വരവ് അത് ഒരു ഒന്നൊന്നര വരവായിരുന്നു. ഇപ്പൊ ലളിതം സുന്ദരത്തിലെ ഇങ്ങളെ കഥാപാത്രം എത്ര മനോഹരമായിട്ടാണ് ചെയ്തത്. കോമഡിയും പക്വതയും എല്ലാം എത്ര നിഷ്പ്രയാസമായിട്ടാണ് ഇങ്ങള് ചെയ്യുന്നത്. അവസാനം സുന്ദരി സുന്ദരി ഒന്നൊരുങ്ങി വാ. ഈ പാട്ട് ലിപ്പ് ഇട്ട് പാടിയതിനോടൊപ്പം നല്ല നാടൻ സ്റ്റെപ്പ് അത് ഡാൻസ് മാസ്റ്റർ കൊറിയോഗ്രാഫി ചെയ്തതാണ് എന്ന് ഇങ്ങള് പറഞ്ഞാലും സമ്മതിക്കാൻ ഞങ്ങൾക്ക് കുറച്ചു ബുദ്ധിമുട്ടുണ്ട് അജ്ജാതി പൊളിയല്ലേ പൊളിച്ചത്.
പ്രമോദ് ഏട്ടാ (പ്രമോദ് മോഹൻ) ഇങ്ങളെ മനസ്സിലെ നന്മ മുഴുവനായി ഇങ്ങള് പകർത്തി എഴുതി “ഒരായിരം കിനാകളാൽ”സിനിമയിൽ ഞാൻ അത് നേരിട്ട് അനുഭവിച്ചതാണ് അത് കൊണ്ട് തന്നെയാണ് ഇത്ര ആധികാരികമായി പറഞ്ഞത്. പിന്നെ മധു (മധു വാര്യർ)ഏട്ടാ, നിങ്ങളോട് ഇപ്പൊ എന്താ പറയാ. ആദ്യ സിനിമ തന്നെ ഇങ്ങനെ ചെയ്യുമ്പോ സിനിമയിൽ സുധീഷ് ഏട്ടന്റെ ഡയലോഗ് കടം എടുത്തോട്ടെ. കണ്ണ് തട്ടി പോവരുതേ, ബിഗ് സല്യൂട്ട് മനുഷ്യ’ എന്നുമായിരുന്നു നിർമൽ പാലാഴി കുറിച്ചത്.

ഏറെ പ്രേക്ഷശ്രദ്ധ നേടിക്കൊണ്ടിരിക്കുന്ന ചിത്രമാണ് മധു വാര്യർ സംവിധാനം ചെയ്ത ലളിതം സുന്ദരം. ഹോട്ട്‌സ്റ്റാറിലൂടെയായി റിലീസ് ചെയ്ത സിനിമ മികച്ച പ്രതികരണവുമായി മുന്നേറുകയാണ്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.