ഏറെ നാളുകള്ക്ക് ശേഷം നവ്യാ നായര് കേന്ദ്രകഥാപാത്രത്തെ അവതരിപ്പിച്ച ‘ഒരുത്തീ’ എന്ന ചിത്രത്തിന്റെ പ്രചാരണ പരിപാടികള്ക്കിടെ നടത്തിയ സ്ത്രീ വിരുദ്ധ പരാമര്ശത്തില് ക്ഷമാപണം നടത്തി നടന് വിനായകന് രംഗത്ത്.
‘എന്റെ ലൈഫില് ഞാന് പത്ത് പെണ്ണുങ്ങള്ക്കൊപ്പം സെക്സ് ചെയ്തിട്ടുണ്ട്. ഈ പത്ത് പേരോടും ഞാന് തന്നെയാണ് ചോദിച്ചത് നിങ്ങള്ക്കിതിന് താത്പര്യമുണ്ടോ എന്ന്. നിങ്ങള് പറയുന്ന മീ ടൂ ഇതാണെങ്കില് ഞാന് ഇനിയും ചോദിക്കും. എനിക്ക് വേറെ ആര്ക്കെങ്കിലുമൊപ്പം സെക്സ് ചെയ്യണമെന്ന് തോന്നിയാല് ഞാന് ഇനിയും ചോദിക്കും. ഇതാണോ നിങ്ങള് പറഞ്ഞ മീ ടൂ ഇതല്ലെങ്കില് എന്താണ് നിങ്ങള് പറയുന്ന മീ ടൂ നിങ്ങളെനിക്ക് പറഞ്ഞ് താ’, എന്നായിരുന്നു വിനായകന്റെ വിവാദമായ വാക്കുകള്.
വിനായകന്റെ ഈ പരാമര്ശങ്ങള്ക്കെതിരെ സമൂഹത്തിന്റെ വിവിധ മേഖലകളില് നിന്നുള്ള പ്രമുഖര് രൂക്ഷ വിമര്ശനവുമായി രംഗത്തെത്തിയിരുന്നു. വിമര്ശനവുമായി ഫേസ്ബുക്കിലുള്പ്പെടെ നിരവധി പ്രമുഖര് പ്രതിഷേധം അറിയിച്ചിരുന്നു. വിവാദങ്ങള് കൊടുംപിരി കൊള്ളുന്നതിനിടയിലാണ് വിനായകന്റെ പരസ്യമായ മാപ്പുപറച്ചില്.
വിനായകന്റെ ഫേസ്ബുക്ക് കുറിപ്പിന്റെ പൂര്ണരൂപം:-
നമസ്കാരം ,
ഒരുത്തി സിനിമയുടെ പ്രചരണാര്ത്ഥം നടന്ന പത്രസമ്മേളനത്തിനിടെ ചില സംസാരത്തില്
ഞാന് ഉദ്ദേശിക്കാത്ത മാനത്തില് മാധ്യമ പ്രവര്ത്തകയായ ഒരു സഹോദരിക്ക് എന്റെ ഭാഷാപ്രയോഗത്തിന്മേല് [ ഒട്ടും വ്യക്തിപരമായിരുന്നില്ല]
വിഷമം നേരിട്ടതില് ഞാന് ക്ഷമ ചോദിക്കുന്നു .
വിനായകന് .
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here