സംസ്ഥാനത്ത് സ്വകാര്യ ബസ് സമരം തുടരുമെന്ന് ബസ് ഉടമകള്. യാത്രാനിരക്ക് കൂട്ടാതെ സമരത്തില് നിന്ന് പിന്നോട്ടില്ല. 30ന് ഇടത് മുന്നണി യോഗം ചേരുമ്പോള് എല്ലാ ജില്ലയിലും പ്രതിഷേധം നടത്തും. ഗതാഗതവകുപ്പ് മന്ത്രിയുടെ പിടിവാശി കൊണ്ടുണ്ടായ സമരമാണിതെന്നും അതിജീവനത്തിനുള്ള പോരാട്ടമാണെന്നും സംയുക്ത സമരസമിതി കണ്വീനര് ഗോപിനാഥ് പറഞ്ഞു.
നിരക്ക് വര്ധന ആവശ്യപ്പെട്ട് സംസ്ഥാനത്ത് സ്വകാര്യ ബസുകളുടെ അനിശ്ചിതകാല പണിമുടക്ക് തുടരുകയാണ്. പലയിടത്തും കൃത്യ സമയത്ത് ബസ് കിട്ടാതെ ജനം വലയുകയാണ്. മധ്യ കേരളത്തിലും മലബാര് മേഖലയിലും നാട്ടിന് പുറങ്ങളിലുമാണ് സ്വകാര്യ ബസുകളെ കൂടുതലായി ആശ്രയിക്കുന്നത്. 1 മുതല് 9 വരെ ക്ലാസുകളിലെ വാര്ഷിക പരീക്ഷ തുടങ്ങിയതിനാല് സമരം വിദ്യാര്ത്ഥികളെയും ബാധിച്ചിട്ടുണ്ട്.
മിനിമം ചാര്ജ് 12 രൂപയാക്കണം, കിലോമീറ്റര് നിരക്ക് ഒരു രൂപ, പത്ത് പൈസ ഉയര്ത്തണം, വിദ്യാര്ഥികളുടെ നിരക്ക് ആറ് രൂപയാക്കണം എന്നെല്ലാമാണ് ബസുടമകളുടെ പ്രധാന ആവശ്യങ്ങള്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here