ആരോഗ്യത്തിന് ഏറെ ഗുണങ്ങള്‍ നല്‍കുന്ന പച്ചക്കറിയാണ് ചീര. ചീര വച്ച് ഒരു കിടിലന്‍ കട്‌ലറ്റ് തയ്യാറാക്കാം.
ചേരുവകള്‍
ചീര ചെറുതായി നുറുക്കിയത് – 1 കപ്പ്
ഉരുളകിഴങ്ങ് പുഴുങ്ങി പൊടിച്ചത് – 1 കപ്പ്
സവാള ചെറുതായി നുറുക്കിയത് – 1/2 കപ്പ്
പച്ചമുളക് ചെറുതായി നുറുക്കിയത് – 1 ടേബിള്‍ സ്പൂണ്‍
ഇഞ്ചി ചെറുതായി നുറുക്കിയത് – ¼ ടേബിള്‍ സ്പൂണ്‍
കുരുമുളകുപൊടി – ¼ ടേബിള്‍ സ്പൂണ്‍
മസാലപൊടി – ½ ടേബിള്‍ സ്പൂണ്‍
ഉപ്പ് എണ്ണ – ആവശ്യത്തിന്
റൊട്ടി പൊടി – 1 കപ്പ്,
മുട്ട ഒരെണ്ണം – നല്ലതുപോലെ അടിച്ചെടുത്ത്
തയ്യാറാക്കുന്ന വിധം
ചൂടായ ചീനച്ചട്ടിയില്‍ എണ്ണ ഒഴിച്ച് അതില്‍ ഇഞ്ചി, പച്ചമുളക്, സവാള വയറ്റി അതില്ചീരയിട്ട് ചെറുതായി വഴറ്റുക. ഇതില്‍ പൊടി വര്‍ഗ്ഗങ്ങള്‍ , ഉടച്ച ഉരുളകിഴങ്ങ് ഇവ ആവശ്യത്തിന് ഉപ്പു ചേര്‍ത്ത് നല്ലപോലെ കുഴച്ച് ചെറിയ ഉരുളകളാക്കി കൈ വെള്ളയില്‍ വച്ച് ചെറുതായി അമര്‍ത്തി കട്‌ലറ്റാക്കി മുട്ട മിശ്രിതത്തില്‍ മുക്കി റൊട്ടി പൊടിയില്‍ നല്ല പോലെ പുരട്ടി തിളച്ച എണ്ണയില്‍ ഇളം ബ്രൗണ്‍ നിറമാകുന്ന വരെ വറുത്തു കോരുക. ചീര കട്‌ലറ്റ് തയ്യാര്‍.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ താഴെ ലിങ്കില്‍ ക്ലിക്ക് ചെയ്യുക.
Click Here
