ടേക്ക് ഓഫിന് തൊട്ടുമുമ്പ് സ്പൈസ് ജെറ്റ് വിമാനം തൂണിലിടിച്ചു. ദില്ലി അന്താരാഷ്ട്ര വിമാനത്താവളത്തില് ഇന്ന് രാവിലെയാണ് സംഭവം നടന്നത്. ബോയിംഗ് 737-800 വിമാനം പാസഞ്ചര് ടെര്മിനലില് നിന്ന് റണ്വേയിലേക്ക് നീങ്ങുന്നതിനിടെയാണ് തൂണില് ഇടിച്ചതെന്ന് വിമാനത്താവള വൃത്തങ്ങള് അറിയിച്ചു.
സംഭവത്തില് ആര്ക്കും പരുക്കേറ്റിട്ടില്ലെന്നും ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) വിഷയത്തില് അന്വേഷണം ആരംഭിച്ചതായും അധികൃതര് വ്യക്തമാക്കി. വിമാനത്തിന്റെ വലതു ചിറകാണ് തൂണില് ഇടിച്ചത്.
ചിറകിനും തൂണിനും കേടുപാടുകള് സംഭവിച്ചു. ജമ്മുവിലേക്ക് പോകാനിരുന്ന വിമാനമാണ് അപകടത്തില്പ്പെട്ടത്. യാത്രക്കാരെ മറ്റൊരു വിമാനത്തില് കയറ്റിയതായി സ്പൈസ് ജെറ്റ് അധികൃതര് പറഞ്ഞു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here