ഇലക്ട്രിക് സ്കൂട്ടറിന് തീപിടിച്ച പശ്ചാത്തലത്തില് ഓലയ്ക്കെതിരെ കേന്ദ്രം അന്വേഷണം പ്രഖ്യാപിച്ചു. പൂനെയില് നിര്ത്തിയിട്ടിരുന്ന സ്കൂട്ടറിന് തീപിടിക്കുന്നതിന്റെ ദൃശ്യങ്ങള് പ്രചരിച്ചതിനു പിന്നാലെയാണ് ഓലയ്ക്കെതിരെ അന്വേഷണം പ്രഖ്യാപിച്ചത്. സംഭവത്തില് അന്വേഷണം നടത്തി റിപ്പോര്ട്ട് സമര്പ്പിക്കാന് ഗതാഗത മന്ത്രാലയം ആവശ്യപ്പെട്ടു. തമിഴ്നാട്ടിലെ വെല്ലൂരില് ഒകിനവയുടെ ഇലക്ട്രിക് സ്കൂട്ടര് തീപിടിച്ചതും അന്വേഷിക്കും.
ഓല എസ്1 പ്രോ ആണ് അഗ്നിക്കിരയായത്. കഴിഞ്ഞ ആഴ്ച പൂനെയിലാണ് സംഭവം. സ്കൂട്ടറിനു തീപിടിക്കുന്നതിന്റെ വിഡിയോ സമൂഹമാധ്യമങ്ങളില് പ്രചരിച്ചിരുന്നു. സംഭവം അറിഞ്ഞെന്നും അന്വേഷണം നടക്കുകയാണെന്നും ഓല പ്രതികരിച്ചു. വരും ദിവസങ്ങളില് വേണ്ട നടപടികള് സ്വീകരിക്കുമെന്നും ഓല അറിയിച്ചു. ആദ്യം സ്കൂട്ടറില് നിന്ന് പുക ഉയരുകയും പിന്നീട് തീപടരുകയും ചെയ്യുന്നത് വിഡിയോയില് കാണാം. തുടര്ന്ന് സ്കൂട്ടര് ആകെ അഗ്നി വിഴുങ്ങുകയാണ്. ഓല സ്കൂട്ടറുകള്ക്ക് തീപിടിക്കുന്ന വിവിധ സംഭവങ്ങള് രാജ്യത്തിന്റെ വിവിധ ഇടങ്ങളില് റിപ്പോര്ട്ട് ചെയ്തത് ആളുകള്ക്ക് ആശങ്കയുണ്ടാക്കുന്നുണ്ട്. പലരും ഓര്ഡറുകള് ക്യാന്സല് ചെയ്യുകയുമുണ്ടായി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here