നവ്യാ നായരുടെ തിരിച്ചുവരവ് ചിത്രം ഒരുത്തീയെ പ്രശംസിച്ച്‌ സാംസ്കാരിക ലോകം. മാർച്ച് 18ന് റിലീസ് ചെയ്ത ഒരുത്തീ നിരൂപക പ്രശംസയും പ്രേക്ഷക പ്രീതിയും നേടി വിജയകരമായി പ്രദർശനം തുടരുമ്പോൾ സിനിമ മേഖലയിലും പുറത്തുമുള്ള നിരവധി പ്രമുഖരാണ് ഒരുത്തീയെ അഭിനന്ദിച്ച് രംഗത്ത് വരുന്നത്.
വി കെ പ്രകാശ് സംവിധാനവും എസ് സുരേഷ് ബാബു തിരക്കഥയും രചിച്ച ഒരുത്തീ ബെൻസി നാസർ പ്രൊഡക്ഷൻസിന്റെ ബാനറിൽ അബ്‌ദുൾ നാസറാണ് നിർമിച്ചിരിക്കുന്നത്.
സിനിമാ മേഖലയിൽ നിന്നും സിബി മലയിൽ ,എം പത്മകുമാർ, എബ്രിഡ് ഷൈൻ,പ്രജേഷ് സെൻ, ടിനു പാപ്പച്ചൻ,തരുൺ മൂർത്തി, ബാബു ജനാർദ്ദനൻ ,അരുൺ ഗോപി, സജീവ് പാഴൂർ, എം.എ നിഷാദ്,രമേശ് പിഷാരടി, SLപുരം ജയ സോമ, ശ്രീമൂലനഗരം മോഹൻ, നടി ഭാവന, ഭാമ, സുരഭിലക്ഷ്മി, പ്രിയാ വാര്യർ,അനുമോൾ, സ്വാസിക ,സ്നേഹ ശ്രീ കുമാർ തുടങ്ങിയവർ സിനിമയുടെ പ്രമേയത്തെയും ചിത്രത്തിലെ പ്രകടനങ്ങളെയും ഏറെ പ്രശംസിച്ചു.
അതുപോലെ സംഗീതജ്ഞരായ വേണുഗോപാൽ, വിധു പ്രതാപ്, സിതാര കൃഷ്ണകുമാർ, രതീഷ് വേഗ തുടങ്ങിയവരും സിനിമയെയും നവ്യ നായരെയും അഭിനന്ദിച്ചു.
നിർമ്മാതാക്കളായ ബി.രാ കേഷ്, NM ബാദുഷ ,രാജ് സഖറിയ നടൻ ആസിഫലിയുടെ പത്നി സാമ മസ്രിൻ അലി തുടങ്ങിയവരും സിനിമയെ മുക്തകണ്ഠം പ്രശംസിച്ചു.
സാംസ്കാരിക മേഖലയിൽ നിന്നും സൂര്യ കൃഷ്ണമൂർത്തി ,ഇ പി രാജഗോപാൽ, ശാരദക്കുട്ടി, കവി കുളൂർ വിൽസൺ, ക്യൂറേറ്റർ രാധാഗോമതി, മാധ്യമ പ്രവർത്തകരായ പ്രേംചന്ദ് ,ദീദി ദാമോദരൻ, ഗീതാബക്ഷി ,വിശ്വനാഥൻ തുടങ്ങി നിരവധി പ്രമുഖരാണ് ഒരുത്തിയെ മുൻനിർത്തി വിശദമായ ലേഖനങ്ങൾ എഴുതിയിരിക്കുന്നത്.
മലയാളത്തിലെയും ഇംഗ്ലീഷിലെയും മുഖ്യധാരാ മാധ്യമങ്ങൾ ഒന്നടങ്കം ഒരുത്തിയെ പ്രശംസ കൊണ്ട് മൂടുകയാണു.ഒപ്പം സിനിമ കണ്ടിറങ്ങുന്ന സാധാരണ പ്രേക്ഷകരും.സമീപകാലത്തൊന്നും ഇത്ര മാത്രം പോസിറ്റീവ് റിവ്യൂസ് വന്ന ഒരു ചലച്ചിത്രം മലയാളത്തിൽ ഉണ്ടായിട്ടില്ല എന്ന് സിനിമാനിരീക്ഷകരും പ്രേക്ഷകരും ഒന്നടങ്കം പറയുന്നു.
വി കെ പ്രകാശിന്റെ മികച്ച സംവിധാനത്തിൽ, എസ് സുരേഷ് ബാബുവിന്റെ മികച്ച തിരക്കഥയിൽ നവ്യാ നായർ തിരിച്ചുവരവ് ഗംഭീരമാക്കിയെന്നാണ് പ്രേക്ഷകരും, നിരൂപകരും, സിനിമ ലോകവും ഒരേപോലെ അഭിപ്രായപ്പെടുന്നത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
