പോക്കോയുടെ എക്സ്4 പ്രോ 5ജി ഇന്ത്യയില്‍ വില്‍പ്പന ആരംഭിച്ചു. ഫ്‌ളിപ്പ്കാര്‍ട്ട് വഴിയാണ് വില്‍പ്പന ആരംഭിച്ചത്. ചൊവ്വാഴ്ച ഉച്ചയ്ക്ക് ആരംഭിച്ച വില്‍പ്പനയില്‍ തുടക്ക ഓഫറായി എച്ച്ഡിഎഫ്‌സി ക്രഡിറ്റ് ഡെബിറ്റ് കാര്‍ഡ് ഉപയോക്താക്കള്‍ക്ക് 1000 രൂപ ഡിസ്‌ക്കൗണ്ട് ലഭിക്കും.
പോക്കോ എക്സ് 4 പ്രോ 5ജി 6ജിബി+64ജിബി പതിപ്പിന് 17,999 രൂപയും, 6GB+128GB പതിപ്പിന് 18,999 രൂപയും, 8GB+128GB പതിപ്പിന് 20,999 രൂപയുമാണ് വില.
ഈ ഫോണിന്റെ പുറത്തിറക്കലിനൊപ്പം ഉപഭോക്താക്കള്‍ക്ക് ആകര്‍ഷകമായ എക്‌സേഞ്ച് ഓഫറും പോക്കോ ഒരുക്കുന്നുണ്ട്. എക്സ്-സീരീസ് സ്മാര്‍ട്ട്ഫോണുകളായ പോക്കോ എക്സ്2, പോക്കോ എക്സ് 3, പോക്കോ എക്സ് 3 പ്രോ എന്നിവയ്ക്ക് ഒരു എക്സ്ചേഞ്ച് വിലയും കൂടാതെ 3,000 രൂപ അധിക കിഴിവും പുതിയ പോക്കോ എക്സ്4 പ്രോ 5ജി വാങ്ങുമ്പോള്‍ ലഭിക്കും.
ബാങ്ക് ഡിസ്‌കൗണ്ടും എക്സ്ചേഞ്ച് ഓഫറും ചേര്‍ന്ന് പോക്കോ എക്സ് 4 5G 6,549 രൂപ എന്ന വിലയില്‍ ലഭിക്കും. പുതിയ പോക്കോ എക്സ്4 5ജി ലഭിക്കുന്ന എക്‌സേഞ്ച് വില യഥാക്രമം വേരിയന്റ് അനുസരിച്ച് 7,499, 6,899, 6,549 രൂപയാണ്.
8 എംപി അള്‍ട്രാ വൈഡ് ലെന്‍സും 2 എംപി മാക്രോ സെന്‍സറും പിന്തുണയ്ക്കുന്ന 64 എംപി മെയിന്‍ ലെന്‍സുമായാണ് പോക്കോ എക്സ് 4 പ്രോ 5 ജി മാര്‍ച്ച് 28 ന് പുറത്തിറങ്ങിയത്. എക്സ് 4 പ്രോ 5ജിയില്‍ 16MP സെല്‍ഫി ക്യാമറയാണ് ഉള്ളത്.
6.67 ഇഞ്ച് സൂപ്പര്‍ അമോലെഡ് ഡിസ്പ്ലേയാണ് ഈ ഫോണിന് ഉള്ളത്. 1200 നിറ്റ് പീക്ക് ബ്രൈറ്റ്നെസ് ഈ സ്‌ക്രീന് ഉള്ളത്. ഇതൊരു 120 റീഫ്രഷ് റൈറ്റ് സ്‌ക്രീനാണ് പോക്കോ എക്സ് 4 പ്രോ 5ജിക്ക്. 5,000 എംഎഎച്ച് ബാറ്ററിയും അതിന് അനുസരിച്ച് 67 വാട്‌സ് ഫാസ്റ്റ് ചാര്‍ജിഗും ഇതിനുണ്ട്.
സ്നാപ്ഡ്രാഗണ്‍ 695 ചിപ്സെറ്റാണ് ഇതില്‍ ഉപയോഗിച്ചിരിക്കുന്നത്. വിപുലീകരിക്കാവുന്ന സ്റ്റോറേജ് ഓപ്ഷനും ഫോണില്‍ ഉണ്ടാകും. ഈ ഫോണ്‍ ആന്‍ഡ്രോയിഡ് 11-ല്‍ അടിസ്ഥാനമാക്കിയ എംഐയുഐ 13-ലാണ് ഈ ഫോണ്‍ പ്രവര്‍ത്തിക്കുന്നത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
