കാറിന്റെ ഗ്ലാസില്‍ കറുത്ത ഫിലിം ഒട്ടിച്ചതിന് തെന്നിന്ത്യന്‍ താരം പ്രഭാസിനെതിരെ പൊലീസ് പിഴ ചുമത്തി. ട്രാഫിക് നിയമ ലംഘനം നടത്തിയതിന് പ്രഭാസില്‍ നിന്ന് ഹൈദരാബാദ് ട്രാഫിക് പൊലീസാണ് പിഴ ഈടാക്കിയത്. കാറില്‍ കറുത്ത ഫിലിം ഒട്ടിച്ചു, നമ്പര്‍ പ്ലേറ്റിലെ അപാകതകള്‍ എന്നിവ ചൂണ്ടിക്കാട്ടിയാണ് പൊലീസ് പ്രഭാസിനെതിരെ പിഴ ഈടാക്കിയത്.
സംഭവസമയം പ്രഭാസ് കാറില്‍ ഉണ്ടായിരുന്നില്ലെന്ന് ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. ജൂബിലി ഹില്‍സിന് സമീപത്താണ് സംഭവം നടന്നത്.
ട്രാഫിക് നിയമങ്ങള്‍ തെറ്റിച്ച ഒരു കാര്‍ പാര്‍ക്ക് ചെയ്തിരുന്നത് പൊലീസിന്റെ ശ്രദ്ധയില്‍പ്പെടുകയും പിഴ ഈടാക്കുകയും ചെയ്യുകയായിരുന്നു. പിഴയായി 1600 രൂപയാണ് പൊലീസ് ഈടാക്കിയത്. ഇതിന് മുമ്പ് നടന്‍ നാഗ ചൈതന്യയ്ക്കും സമാനമായ രീതിയില്‍ പിഴയടക്കേണ്ടി വന്നിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
ADVERTISEMENT
Get real time update about this post categories directly on your device, subscribe now.
