ദിലീപിന്റെ സഹോദരന് അനൂപും അഭിഭാഷകനും തമ്മിലുള്ള ഫോണ് സംഭാഷണം പുറത്ത്. ദിലീപിന്റെ സഹോദരന് അനൂപിനെ അഭിഭാഷകന് മൊഴി പഠിപ്പിക്കുന്ന ശബ്ദരേഖയാണ് പുറത്തു വന്നത്. സാക്ഷികളെ സ്വാധീനിക്കാന് ശ്രമിച്ചതിന് നിര്ണ്ണായക തെളിവാണിത്. മഞ്ജു വാര്യര്ക്കെതിരെ മൊഴി നല്കണമെന്നും അഭിഭാഷകന് ശബ്ദരേഖയില് നിര്ദേശിക്കുന്നുണ്ട്.
അതിനിടെ നടിയെ ആക്രമിച്ച കേസില് ദിലീപിന്(Dileep)വീണ്ടും തിരിച്ചടി. എഫ്ഐആര് റദ്ദാക്കണമെന്ന ഹര്ജി കോടതി തള്ളി. ഹൈക്കോടതി (Highcourt) സിംഗിള് ബെഞ്ചിന്റേതാണ് വിധി. ജസ്റ്റിസ് സിയാദ് റഹ്മാനാണ് ഹര്ജി തള്ളിയത്. ഇതോടെ വധഗൂഢാലോചന കേസില് ദിലീപിനെതിരായ അന്വേഷണം ക്രൈംബ്രാഞ്ചിന് തുടരാം. നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ ആപായപ്പെടുത്താന് ദിലീപും ബന്ധുക്കളും ഗൂഡാലോചന നടത്തിയെന്ന കേസിനെ കേന്ദ്രീകരിച്ചാണ് നടിയെ ആക്രമിച്ച കേസിലെ തുടരന്വേഷണവും നടക്കുന്നത്.
നിലവില് മുന്കൂര് ജാമ്യത്തില് കഴിയുന്ന ദിലീപിന് വിധി പ്രതിസന്ധിയാകും. ദിലീപിനെ കസ്റ്റഡിയിലെടുത്ത് ചോദ്യം ചെയ്യുന്നതിലേക്ക് അടക്കം അന്വേഷണ സംഘത്തിന് ഇനി കടക്കാന് സാധിക്കും. ആദ്യ ഘട്ടത്തില് പ്രോസിക്യൂഷന്റെ ഭാഗത്ത് ഉണ്ടായിരുന്നത് ബാലചന്ദ്രകുമാറിന്റെ മൊഴി മാത്രമാണ് ഉണ്ടായിരുന്നത്. അതിന് ശേഷം കേസിലെ നിര്ണായകമാ ഫോണ് പോലും ലഭിക്കുന്നത് വലിയ നിയമപോരാട്ടത്തിനൊടുവിലാണ്.
അതുകൊണ്ട് തന്നെയാണ് ദിലീപിന്റെ മുന്കൂര് ജാമ്യം പരിഗണിച്ചപ്പോള് പ്രോസിക്യൂഷന് തിരിച്ചടി നേരിട്ടത്. എന്നാല് അതിന് ശേഷം പ്രോസിക്യൂഷന് ഉണര്ന്ന് പ്രവര്ത്തിച്ചു. തെളിവ് നശിപ്പിക്കല് അടക്കമുള്ള കാര്യങ്ങള് സായ് ശങ്കര് മൊഴിയായി നല്കിയതോടെ ദിലീപിനെതിരായ കേസ് കൂടുതല് ശക്തമായി. ഇത് കൂടി പരിഗണിച്ചാണ് ഹൈക്കോടതി എഫ്ഐആര് റദ്ദാക്കണമെന്ന ഹര്ജി കോടതി തള്ളിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here