ADVERTISEMENT
എല്ലാ ഹിന്ദു ദമ്പതികളും നാല് കുട്ടികള്‍ക്ക് ജന്മം നല്‍കണമെന്നും അതില്‍ രണ്ട് പേരെ രാജ്യത്തിന് സമര്‍പ്പിക്കണമെന്നും ആവശ്യപ്പെട്ട് വിഎച്ച്പി നേതാവ് സാധ്‌വി ഋതംബര. ഇന്ത്യയെ വേഗംതന്നെ ഹിന്ദു രാഷ്ട്രമാക്കാന്‍ ഇതു സഹായിക്കുമെന്നാണ് സാധ്‌വിയുടെ വാദം.
‘എല്ലാ ഹിന്ദു സ്ത്രീകളും പിന്തുടരുന്നത് നാം രണ്ട് നമുക്ക് രണ്ട് എന്ന തത്വത്തിലാണ്. പക്ഷേ ഞാന്‍ ഹിന്ദു ദമ്പതികളോട് അപേക്ഷിക്കുന്നത് നാല് കുട്ടികള്‍ക്ക് ജന്മം നല്‍കണമെന്നാണ്. അവരില്‍ രണ്ട് പേരെ രാഷ്ട്രത്തിന് സമര്‍പ്പിക്കണം. മറ്റ് രണ്ട് പേരെ കുടുംബത്തില്‍ വളര്‍ത്താം. Hindutva. അങ്ങനെയെങ്കില്‍ ഇന്ത്യ അതിവേഗം ഹിന്ദു രാഷ്ട്രമാകും. മാത്രമല്ല രാജ്യത്ത് ഏകീകൃത സിവില്‍ നിയമം നിലവില്‍ വരണം. എന്നാല്‍ ജനസംഖ്യ സന്തുലിതമാകും’. സാധ്‌വിയുടെ വാക്കുകള്‍ ഇങ്ങനെയെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
കുട്ടികളെ ആര്‍.എസ്.എസിനു നല്‍കാന്‍ മാതാപിതാക്കളോട് ആവശ്യപ്പെട്ടിട്ടുണ്ടോ എന്ന ചോദ്യത്തിന്, ‘അതെ. കുട്ടികളെ ആര്‍.എസ്.എസിനു സമര്‍പ്പിക്കാന്‍ ഞാന്‍ അവരോട് ആവശ്യപ്പെട്ടിട്ടുണ്ട്. അവരെ വിശ്യ ഹിന്ദു പരിഷത്ത് പ്രവര്‍ത്തകരാക്കുക, അങ്ങനെ രാജ്യത്തിന് സമര്‍പ്പിക്കുകയും ചെയ്യുക’- എന്നായിരുന്നു ഋതംബരയുടെ മറുപടി.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
Get real time update about this post categories directly on your device, subscribe now.
