ദില്ലി ജഹാംഗീര്പുരിയില് കെട്ടിടങ്ങള് പൊളിച്ച് നീക്കുന്നത് സുപ്രീംകോടതി സ്റ്റേ ചെയ്തു. കെട്ടിടങ്ങള് പൊളിക്കുന്നതിനെതിരെ ജംഇയത്തുല് ഉലമായെ ഹിന്ദ് നല്കിയ ഹരജിയിലാണ് കോടതി ഇടപെടല്. അനധികൃത കെട്ടിടങ്ങളെന്ന് ചൂണ്ടിക്കാട്ടിയാണ് ഡല്ഹി മുനിസിപ്പല് കോര്പറേഷന് കെട്ടിടങ്ങള് പൊളിച്ച് തുടങ്ങിയത്.
രാവിലെ കോടതി ചേര്ന്നയുടന് അഭിഭാഷകന് ഇക്കാര്യം കോടതിയുടെ ശ്രദ്ധയില് പെടുത്തുകയായിരുന്നു. അടിയന്തര ഇടപെടല് വേണമെന്നും കെട്ടിടങ്ങള് പൊളിക്കാന് തുടങ്ങിയതായും അഭിഭാഷകന് അറിയിച്ചു. ഹര്ജി നല്കാന് നിര്ദേശിച്ച കോടതി ജഹാംഗീര്പുരിയില് തല്സ്ഥിതി തുടരാന് ഉത്തരവിട്ടു. നാളെ കേസില് വിശദമവാദം കേള്ക്കും.
Supreme Court orders status-quo on demolition drive conducted by North Delhi Municipal Corporation in Jahangirpuri, Delhi pic.twitter.com/wr4p2R9Fto
— ANI (@ANI) April 20, 2022
കഴിഞ്ഞ ദിവസം ഇരു വിഭാഗങ്ങള് തമ്മില് സംഘര്ഷമുണ്ടായ പ്രദേശമാണ് ജഹാംഗീര്പുരി. സംഘര്ഷമുണ്ടായതിനു പിന്നാലെ ഇവിടെയുള്ള അനധികൃത നിര്മാണങ്ങള് പൊളിച്ചുമാറ്റാന് നോര്ത്ത് ഡല്ഹി മുനിസിപ്പല് കോര്പ്പറേഷന് തീരുമാനിക്കുകയായിരുന്നു. ജഹാംഗീര്പുരിയിലെ കയ്യേറ്റം ഒഴിപ്പിക്കാന് 400 പൊലീസുകാരെയാണ് സ്ഥലത്ത് വിന്യസിപ്പിച്ചത്. പത്ത് ബുള്ഡോസറുകളും എത്തിയിരുന്നു. ‘കയ്യേറ്റം ഒഴിപ്പിക്കല് ഡ്രൈവി’ന് ബിജെപി ഭരിക്കുന്ന നോര്ത്ത് ഡല്ഹി മുന്സിപ്പല് കോര്പ്പറേഷന് പൊലീസ് സഹായം തേടിയിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here