ഐപിഎൽ (IPL) ട്വൻറി-20 ക്രിക്കറ്റ് 15-ാം സീസണിൽ കൊവിഡ് ഭീഷണി ഉയർത്തുന്നു. ഇന്ന് ഡൽഹി (Delhi ) ക്യാപ്പിറ്റൽസിൻറെ ന്യൂസിലൻഡ് താരത്തിന് കൊവിഡ് സ്ഥിരീകരിച്ചു. ടീം സെയ്ഫർട്ടിനാണ് കൊവിഡ് പോസിറ്റീവായിരിക്കുന്നത്. ഇതോടെ ഇന്നത്തെ ഡൽഹി x പഞ്ചാബ് ( Punjab ) മത്സരം അനിശ്ചിതത്വത്തിലായി.
നേരത്തെ ഡൽഹി ക്യാപ്പിറ്റൽസ് ടീം ക്യാന്പിൽ കൊവിഡ് രോഗം റിപ്പോർട്ട് ചെയ്തതിനെത്തുടർന്ന് ഇന്ന് നടക്കേണ്ട ഡൽഹി x പഞ്ചാബ് മത്സരം പൂനയിൽ നിന്ന് മുംബൈയിലേക്ക് മാറ്റിയിരുന്നു. പൂനയിലേക്കുള്ള ദീർഘമായ ബസ് യാത്ര ഒഴിവാക്കാനാണ് മത്സരവേദി മാറ്റിയതെന്നാണ് ബിസിസിഐ പത്രക്കുറിപ്പിലൂടെ അറിയിച്ചത്. മുംബൈ ബ്രാബോൺ സ്റ്റേഡിയത്തിലാണ് ഇന്ന് ഡൽഹി x പഞ്ചാബ് മത്സരം നടക്കേണ്ടിയിരുന്നത്.
ഡൽഹി ക്യാന്പിൽ നേരത്തെ അഞ്ചു പേർക്കാണ് കൊവിഡ് സ്ഥിരീകരിച്ചിരിക്കുന്നത്. ഓസീസ് താരം മിച്ചൽ മാർഷ്, ഫിസിയോ തെറാപ്പിസ്റ്റ് പാട്രിക് ഫർഹത്ത്, മസാജ് തെറാപ്പിസ്റ്റ് ചേതൻ കുമാർ, ടീം ഡോക്ടർ അഭിജിത്ത് സാൽവി, സോഷ്യൽ മീഡിയ കണ്ടൻറ് ടീം മാനേജർ ആകാശ് മാനെ എന്നിവർക്കാണ് രോഗം സ്ഥിരീകരിച്ചിരിക്കുന്നതെന്ന് ബിസിസിഐ അറിയിച്ചു. രോഗം സ്ഥിരീകരിച്ചവരെല്ലാം ഐസൊലേഷനിലാണ്, മിച്ചൽ മാർഷ് ആശുപത്രിയിലുമാണ്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here