ഡല്‍ഹി വിദ്യാഭ്യാസ മോഡല്‍ പഠിക്കാന്‍ കേരളത്തിലെ ഉദ്യോഗസ്ഥര്‍ എത്തിയെന്ന ആം ആദ്മി പാര്‍ട്ടി എം എല്‍ എയുടെ അവകാശ വാദം പൊളിഞ്ഞു. വിഷയത്തില്‍ വിശദീകരണവുമായി മന്ത്രി ശിവന്‍കുട്ടി രംഗത്തെത്തി. മന്ത്രിയുടെ മറുപടിയോടെ ആപ്പ് എം.എല്‍ എ ട്വീറ്റ് തിരുത്തി.
ഡല്‍ഹി മോഡല്‍ പഠിക്കാന്‍ കേരളത്തിന്റെ ഉദ്യോഗസ്ഥര്‍ കല്‍ക്കാജി സ്‌കൂള്‍ സന്ദര്‍ശിച്ചെന്നായിരുന്നു ആപ്പ് എം.എല്‍എ അതിഷിയുടെ ആദ്യ ട്വീറ്റ്. ഈ ട്വീറ്റ് പുറത്തുവന്നതോടെ വസ്തുത എന്തെന്നു മനസിലാക്കാതെ സര്‍ക്കാരിനെതിരെ പരിഹാസവുമായി ചിലര്‍ രംഗത്തെത്തി. പക്ഷെ മന്ത്രി ശിവന്‍കുട്ടിയുടെ പ്രതികരണത്തോടെ എല്ലാം പൊളിഞ്ഞു. ഡല്‍ഹി മാതൃക പഠിക്കാന്‍ കേരളത്തില്‍ നിന്നാരെയും അയച്ചിട്ടില്ലെന്ന് മന്ത്രി ഫേസ്ബുക്കില്‍ കുറിച്ചു. മാത്രമല്ല ആപ്പിന് ആരോ ‘ആപ്പ്’ വച്ചതാണെന്ന് തോന്നൂവെന്നും മന്ത്രി പറഞ്ഞു. മാത്രമല്ല കുറച്ചു ദിവസം മുമ്പ് കേരള മാതൃക പഠിക്കാന്‍ വന്ന ഡല്‍ഹിക്കാര്‍ക്ക് എല്ലാ സഹായവും നല്‍കിയിരുന്നുവെന്നും മന്ത്രി വിശദീകരിച്ചു. എം എല്‍ എ സ്വീകരിച്ചത് ആരെയാണെന്ന് അറിയാന്‍ താല്‍പര്യമുണ്ടെന്നും വി ശിവന്‍കുട്ടി ഫേസ്ബുക്ക് പോസ്റ്റിലൂടെ ചോദിച്ചു.
ഇതോടെയാണ് ആം ആദ്മി എംഎല്‍എക്ക് അമളി മനസിലായത്്. യഥാര്‍ഥത്തില്‍ ദില്ലിയില്‍ സന്ദര്‍ശനം നടത്തിയത് കേരളത്തിലെ സിബിഎസ്ഇ അസോസിയേഷന്‍ ഉന്നത പ്രതിനിധികളാണ്. ഇതു മനസിലാക്കാതെയാണ് ആപ്പ് എം.എല്‍എയുടെ പ്രതികരണം. വിമര്‍ശനം ശക്തമായതോടെ അതീഷി തന്നെ ആദ്യപ്രസ്താവന തിരുത്തി തടിയൂരിക്കുകയാണ്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
Get real time update about this post categories directly on your device, subscribe now.
