ആറിനും പന്ത്രണ്ടിനും ഇടയിലുള്ള കുട്ടികൾക്ക് കൊവാക്സിന്റെ(Covaxin) അടിയന്തര ഉപയോഗത്തിനുള്ള അനുമതി നൽകി ഡിസിജിഐ.കുട്ടികൾക്കുള്ള വാക്‌സിന്റെ അംഗീകാരത്തിനായി ഭാരത് ബയോടെക് നേരത്തെ DCGI യെ സമീപിച്ചിരുന്നു.
വിശദമായ പഠന വിവരങ്ങൾക്ക് ശേഷമാണ് DCGI അംഗീകാരം നൽകിയത്.നിലവിൽ 15 നും18 നും ഇടയിലുള്ളവർക്ക് കൊവാക്സിനാണ് നൽകുന്നത്.കൊവാക്സിനു പിന്നാലെ 12 വയസ്സിന് മുകളിലുള്ളവർക്കുള്ള സൈഡസ് കാഡിലയുടെ സൈക്കോവ് ഡി വാക്‌സിൻ , 5 മുതൽ 12 വയസ്സ് വരെയുള്ള കുട്ടികൾക്കുള്ള കോർബിവാക്സ് എന്നിവയ്ക്കും DCGI അടിയന്തര ഉപയോഗത്തിന് അംഗീകാരം നൽകിയിട്ടുണ്ട്.
അതേസമയം രാജ്യത്തെ കൊവിഡ് ( Covid ) സാഹചര്യം വിലയിരുത്താൻ പ്രധാനമന്ത്രി നരേന്ദ്ര മോഡിയുടെ നേതൃത്വത്തിൽ നാളെ ഉന്നതതല യോഗം (highlevel meeting ) ചേരും.സംസ്ഥാനങ്ങളിലെ കൊവിഡ് സാഹചര്യം, വാക്സിനേഷൻ (vaccination) ഉൾപ്പടെയുള്ള കാര്യങ്ങൾ യോഗത്തിൽ ചർച്ചയാകും.
കൊവിഡ് നാലാം തരംഗത്തിന്റെ സൂചനകൾ വന്നതോടെ മുൻകരുതൽ നടപടികളുമായി കർണാടക (karnataka) സർക്കാർ മുന്നോട്ടുപോവുകയാണ്.പൊതു ഇടങ്ങളിൽ മാസ്‌ക് ധരിക്കണമെന്നും അനാവശ്യമായ കൂടിച്ചേരലുകൾ ഒഴിവാക്കണമെന്നും സാമൂഹിക അകലം പാലിക്കാൻ ശ്രദ്ധിക്കണമെന്നും കർണാടക ആരോഗ്യ മന്ത്രി ഡോ.കെ സുധാകർ പറഞ്ഞു.
കേരളത്തിൽ നിന്നു വരുന്നവർക്ക് വീണ്ടും കർശന നിയന്ത്രണവും നിരീക്ഷണവും ഏർപ്പെടുത്താൻ സാധ്യതയുണ്ട്.
രാജ്യത്തെ വീണ്ടും ആശങ്കയിലാക്കി കൊവിഡ് കേസുകൾ വർധിക്കുകയാണ്. 24 മണിക്കൂറിനിടെ 2,483 പേർക്ക് കൊവിഡ് സ്ഥിരീകരിച്ചു. ഇതോടെ രാജ്യത്തെ ആക്റ്റീവ് കേസുകളുടെ എണ്ണം 15,636 ആയി ഉയർന്നു.
ദില്ലിയിൽ കഴിഞ്ഞ ദിവസം 1011 പേർക്ക് കൂടി കൊവിഡ് സ്ഥിരീകരിച്ചു. തുടർച്ചയായ ദിവസങ്ങളിൽ കൊവിഡ് കേസുകൾ ആയിരത്തിന് മുകളിലായാണ് ദില്ലിയിൽ റിപ്പോർട്ട് ചെയ്യുന്നത്.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
