കെ.വി.തോമസിനെ കെ.പി.സി.സി ചുമതലകള് നിന്ന് നീക്കി എ.ഐ.സി.സിയുടെ അച്ചടക്ക നടപടി. അച്ചടക്ക സമിതിയുടെ ശുപാര്ശ സോണിയാഗാന്ധി അംഗീകരിച്ചുവെന്ന് ജന.സെക്രട്ടറി താരിഖ് അന്വര് കൈരളി ന്യൂസിനോട് പറഞ്ഞു.
കേരളത്തിലെ ചുമതലകള് ഒഴിവാക്കിയെങ്കിലും എ.ഐ.സി.സി അംഗമായി കെ.വി.തോമസിനെ നിലനിര്ത്തി. ഹൈക്കമാന്റ് വിലക്ക് ലംഘിച്ച് സിപിഐ എം സെമിനാറില് പങ്കെടുത്തതിനാണ് കെ.വി. തോമസിനെതിരെയുള്ള അച്ചടക്ക നടപടി. കെ.പി.സി.സി രാഷ്ട്രീയകാര്യ സമിതി, എക്സിക്യുട്ടീവ് എന്നിവയില് നിന്ന് തോമസിനെ നീക്കി.
മേലില് ഇത്തരം നടപടികള് ആവര്ത്തിക്കരുതെന്ന താക്കീതും നല്കി. അതേസമയം എ.ഐ.സി.സി അംഗത്വത്തില് നിന്ന് തോമസിനെ ഒഴിവാക്കിയില്ല. സംഘടന തെരഞ്ഞെടുപ്പ് പ്രഖ്യാപിച്ചിരിക്കുന്നതിനാല് എ.ഐ.സി.സി അംഗം എന്നത് സാങ്കേതികത്വം മാത്രമാണെന്നായിരുന്നു ഇതേകുറിച്ച് കേരളത്തിന്റെ സംഘടന ചുമതലയുള്ള ജന.സെക്രട്ടറി താരിഖ് അന്വര് കൈരളി ന്യൂസിനോട് പ്രതികരിച്ചത്.
സിപിഐ എം സെമിനാറില് പങ്കെടുത്തതിന് കെ.വി.തോമസിനെ പുറത്താക്കണം എന്നതായിരുന്നു കെ.പി.സി.സി അദ്ധ്യക്ഷന് കെ.സുധാകരന്റെ ആവശ്യം. കെ.വി.തോമസിനെതിരെയുള്ള നടപടി പാര്ടി നല്കുന്ന സന്ദേശമാകണമെന്നും കെ.പി.സി.സി ആവശ്യപ്പെട്ടിരുന്നു.
അത് പൂര്ണമായി ഹൈക്കമാന്റ് അംഗീകരിച്ചില്ല. കടുത്ത നടപടി എന്ന കെ.പി.സി.സി ആവശ്യം അച്ചടക്ക സമിതി ഭാഗികമായി തള്ളുകയാണ് ചെയ്തത്. അതേസമയം കെ.വി.തോമസ് അദ്ധ്യായം അവസാനിച്ചു എന്നായിരുന്നു സംഘടന ജന.സെക്രട്ടറി കെ.സി.വേണുഗോപാല് പ്രതികരിച്ചത്
മൂന്ന് സംസ്ഥാനങ്ങളിലെ നേതാക്കള്ക്കെതിരെയുളള നടപടിയാണ് ഇന്നലെ ചേര്ന്ന അച്ചടക്ക സമിതി പരിശോധിച്ചത്. ഇതില് പഞ്ചാബിലെ സുനില് ജാക്കറിനെയും മേഘാലയിലെ അഞ്ച് നേതാക്കള്ക്കെതിരെയും സസ്പെഷന് നടപടിയാണ് എടുത്തത്.
അത്തരം നടപടി കെ.വി.തോമസിനെതിരെ ഉണ്ടാകാത്തത് തീര്ച്ചയായും തൃക്കാര ഉപതെരഞ്ഞെടുപ്പ് തന്നെയാകാം ഒന്നാമത്തെ കാരണം. എ.കെ.ആന്റണി അദ്ധ്യക്ഷനായ സമിതി കെ.വി.തോമസിനെ പുറത്താക്കി എന്ന പ്രചരണം ഒഴിവാക്കാനും നേതൃത്വം ശ്രമിച്ചു.
KV Thomas: കെ വി തോമസിനെ പുറത്താക്കിയാല് സിപിഐഎം അഭയം നല്കും; കോടിയേരി ബാലകൃഷ്ണന്
കെ വി തോമസിനെ കോണ്ഗ്രസില് നിന്ന് പുറത്താക്കിയാല് സിപിഐഎം അഭയം നല്കുമെന്ന് സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന്. കെ വി തോമസിന് ഇടതുപക്ഷ പ്രസ്ഥാനത്തില് അഭയം കിട്ടാന് യാതൊരു പ്രയാസവുമില്ലെന്ന് കോടിയേരി പറഞ്ഞു.
സിപിഐഎം പാര്ട്ടി കോണ്ഗ്രസിലെ സെമിനാറില് പങ്കെടുത്തതിന്റെ പേരിലാണ് കെ വി തോമസിനെതിരായ നടപടി. എന്നാല് ബിജെപിക്കൊപ്പം സില്വര് ലൈന് സമരം നടത്തുന്ന കോണ്ഗ്രസുകാര്ക്കെതിരെ നടപടിയില്ലെന്ന് കോടിയേരി കുറ്റപ്പെടുത്തി. കെ വി തോമസിനെ കോണ്ഗ്രസ് പുറത്താക്കിയാല് അദ്ദേഹം വഴിയാധാരമാകില്ലെന്നും കോടിയേരി വ്യക്തമാക്കി.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here