രാജ്യത്തെ ആശങ്കയിലാഴ്ത്തി (Covid)കൊവിഡ് കേസുകള് വീണ്ടും കൂടുന്നു. കൊവിഡ് കേസുകള് രാജ്യത്ത് ഇന്നും മൂവായിരത്തിന് മുകളിലാണ് റിപ്പോര്ട്ട് ചെയ്തിരിക്കുന്നത്. കഴിഞ്ഞ 24 മണിക്കൂറില് 3303 പേര്ക്ക് രോഗ ബാധ സ്ഥിരീകരിച്ചു. കൊവിഡ് കേസുകള് വര്ധിക്കുന്ന പശ്ചാതലത്തില് സംസ്ഥാനങ്ങള് കൊവിഡ് നിയന്ത്രണങ്ങള് കടുപ്പിച്ചു. കൊവിഡ് നാലാം തരംഗത്തിന്റെ സൂചനകള് വന്നതോടെ മുന്കരുതല് നടപടികളുമായി കര്ണാടക സര്ക്കാര് മുന്നോട്ടുപോവുകയാണ്.പൊതു ഇടങ്ങളില് മാസ്ക് ധരിക്കണമെന്നും അനാവശ്യമായ കൂടിച്ചേരലുകള് ഒഴിവാക്കണമെന്നും സാമൂഹിക അകലം പാലിക്കാന് ശ്രദ്ധിക്കണമെന്നും കര്ണാടക ആരോഗ്യ മന്ത്രി ഡോ.കെ സുധാകര് പറഞ്ഞു. കേരളത്തില് നിന്നു വരുന്നവര്ക്ക് വീണ്ടും കര്ശന നിയന്ത്രണവും നിരീക്ഷണവും ഏര്പ്പെടുത്താന് സാധ്യതയുണ്ട്.
അതേസമയം സംസ്ഥാനത്ത് ആശങ്കപ്പെടേണ്ട സാഹചര്യമില്ലെന്നും മറ്റ് സംസ്ഥാനങ്ങളില് കൊവിഡ് കേസുകള് കൂടിയ സാഹചര്യത്തില് സംസ്ഥാനം ജാഗ്രത തുടരുമെന്നും ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞിരുന്നു.ജില്ലകളിലെ സാഹചര്യം വളരെ സൂക്ഷ്മമായി നിരീക്ഷിക്കാന് നിര്ദേശം നല്കി. കൊച്ചിയില് മാത്രമാണ് ചെറിയ തോതിലെങ്കിലും കേസുകള് വര്ധിക്കുന്നത്. എവിടെയെങ്കിലും കോവിഡ് കേസുകള് ഉയരുന്നെങ്കിലോ ക്ലസ്റ്ററുകള് രൂപപ്പെടുന്നെങ്കിലോ സംസ്ഥാന തലത്തില് അറിയിക്കണം.എല്ലാ ജില്ലകളും പ്രതിരോധ പ്രവര്ത്തനങ്ങള് ഊര്ജിതമാക്കണം. തുടര്ച്ചയായി അവലോകന യോഗങ്ങള് ചേര്ന്ന് ആവശ്യമായ പ്രവര്ത്തനങ്ങള് നടത്തണം. വാക്സിനേഷന് ശക്തിപ്പെടുത്തണമെന്നും മന്ത്രി നിര്ദേശം നല്കി. സംസ്ഥാനത്തെ കോവിഡ് സാഹചര്യം വിലയിരുത്താനായി ചേര്ന്ന ഉന്നതതല യോഗത്തിലാണ് മന്ത്രി നിര്ദേശം നല്കിയത്.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here