പുതുക്കിയ ബസ്, ഓട്ടോ, ടാക്സി നിരക്ക് നാളെ മുതല്‍ പ്രാബല്യത്തില്‍

സംസ്ഥാനത്ത് പുതുക്കിയ ബസ്(Bus), ഓട്ടോ(Auto), ടാക്സി(Taxy) നിരക്കുകള്‍ ഞായറാഴ്ച മുതല്‍ നിലവില്‍ വരും. ഓര്‍ഡിനറി ബസുകളുടെ മിനിമം നിരക്ക് എട്ടുരൂപയില്‍നിന്ന് പത്ത് രൂപയാകും. ഓട്ടോറിക്ഷകളുടെ മിനിമം നിരക്ക് 25 രൂപയില്‍നിന്ന് 30 രൂപയാകും. ഇതിന് പുറമേ നാല് ചക്ര ഓട്ടോ, ടാക്സി എന്നിവയുടെ നിരക്കും കൂടും. ഓട്ടോ-ടാക്സി നിരക്ക് വര്‍ധനസംബന്ധിച്ച സര്‍ക്കാര്‍ വിജ്ഞാപനം രണ്ട് ദിവസം മുന്‍പ് പുറത്തിറങ്ങിയിരുന്നു. എന്നാല്‍ശനി ഉച്ചയോടെയാണ് ബസ് ചാര്‍ജ്ജ് വര്‍ധിപ്പിച്ചുള്ള വിജ്ഞാപനമിറങ്ങിയത്. ഓര്‍ഡിനറി ബസ് നിരക്കിന് ആനുപാതികമായി കെഎസ്ആര്‍ടിസിയുടെ(KSRTC) ഫാസ്റ്റ്, സൂപ്പര്‍ഫാസ്റ്റ് സര്‍വീസുകളുടെ നിരക്കുകളും കൂടും. അഞ്ച് കിലോമീറ്ററാണ് മിനിമം ദൂരത്തില്‍ ഫാസ്റ്റുകളില്‍ സഞ്ചരിക്കാവുന്ന ദൂരം.

സൂപ്പര്‍ ഫാസ്റ്റുകളുടേത് 10 കിലോമീറ്ററും. അതേസമയം എക്പ്രസ്, സൂപ്പര്‍ എക്സ്പ്രസ്, സൂപ്പര്‍ എയര്‍ എക്സ്പ്രസ്, സൂപ്പര്‍ ഡീലക്സ്, സെമീ സ്ലീപ്പര്‍, സിംഗിള്‍ ആക്സില്‍ സര്‍വീസുകള്‍, മള്‍ട്ടി ആക്സില്‍ സര്‍വീസുകള്‍, ലോ ഫ്‌ലോര്‍ എസി എന്നിവയുടെ മിനിമം നിരക്ക് വര്‍ധിപ്പിച്ചിട്ടില്ല. സൂപ്പര്‍ എക്സ്പ്രസുകളില്‍ മിനിമം നിരക്ക് മാറ്റാതെ തന്നെ സഞ്ചരിക്കാവുന്ന ദൂരം വര്‍ധിപ്പിച്ചിട്ടുണ്ട്. നിലവില്‍ 28 രൂപയ്ക്ക് 10 കിലോമീറ്ററാണ് എക്‌സ്പ്രസ്, സൂപ്പര്‍ എക്സ്പ്രസ് ബസ്സുകളില്‍ സഞ്ചരിക്കാവുന്നത്. ഇനിമുതല്‍ 28 രൂപയ്ക്ക് 15 കിലോമീറ്റര്‍ ദൂരം സഞ്ചരിക്കാം.

കെഎസ്ആര്‍ടിസി നോണ്‍ എസി ജന്റം ബസ്‌കളുടെ മിനിമം നിരക്ക് 13 രൂപയില്‍ നിന്ന് 10 രൂപയായി കുറയും. 2.5 കിലോമീറ്ററാണ് മിനിമം നിരക്കില്‍ സഞ്ചരിക്കാവുന്ന ദൂരം. ജന്റം എ സി ബസുകളുടെ മിനിമം നിരക്ക് 26 രൂപയായി നിലനിര്‍ത്തി. അതേ സമയം കിലോമീറ്റര്‍ നിരക്ക് 1.87 രൂപയില്‍ നിന്ന് 1.75 രൂപയായി കുറഞ്ഞിട്ടുണ്ട്. എ സി ലോഫ്‌ലോറില്‍ സഞ്ചരിക്കാവുന്ന ദൂരം അഞ്ച് കിലോമീറ്ററാണ്.

കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും  ലഭ്യമാണ്.  വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക